Hér eru aðalatriði lífs míns

8 mánaða tomorrow!

2009-01-25T11:46:00.002Z

Sjö mánaða gaurinn minn

2008-12-30T15:14:00.003Z

Jamm, hef þetta stutt í bili, skelli hér inn þremur myndum af Ingó og set inn fréttir af okkur seinna. :O)

Kv. Turner.

Sex mánaða sætilíus!

2008-11-26T10:45:00.002Z

Jamm, gaurinn orðinn hálfs árs, vá hvað tíminn flýgur. Er að vinna í næstsíðasta verkefninu mínu núna og gæjinn fer í vigtun, sprautu og skoðun eftir hádegið. Vona að allt komi vel út.

Hér eru myndir af gullmolanum mínum með gulrótarnebbann. :O)

Kveðja, Turner.

Sunnudagur

2008-11-23T15:22:00.002Z

Já, kominn sunnudagur og aldeilis farið að styttast í jólin.
Ég er búin að vera í verkefnavinnu síðustu daga....jamm, ekkert nýtt við það. Verkefnunum er að fækka og ég er farin að sjá fyrir endann á þessu öllu saman og hlakka svo til að geta byrjað að skreyta. :O)

Það verða aldeilis kósí jól, einn að upplifa sín fyrstu og við erum öll voða spennt og strákarnir eldri aldeilis að detta í jólagírinn. Þeir vilja bara skreyta og bak og enn einu sinni segi ég nei, við verðum aðeins að bíða, ég þarf að klára verkefnin fyrst.

Döhhh, mikið hlakka ég til þegar ég verð byrjuð að vinna, alls ekki út af því að það sé minni vinna, heldur verður örugglega meira að gera, en aðallega af því að ég get þá alveg hent upp einni og einni seríu. Mér finnst ég nefnilega alltaf þurfa að klára verkefnin fyrst þegar ég er í skólanum, kannski eitthvað sálrænt, en þau eru svo mikið unnin um helgar eða "á helgunum" eins og góð vinkona mín segir. :O)

Sá stutti er alltaf að braggast og mannast aðeins meira, aðeins farinn að hlunkast áfram og í gær tók hann sig upp og settist bara upp, fór af fjórum og mjakaði sér upp á rassinn. Jamm ,skrítið hvað þeir eru ólíkir allir.

Annars gengur lífið bara sinn vanagang og er yndislegt eins og alltaf. Eins og Gústi minn sagði um daginn þá er kreppa nú bara eitthvað úr bringusundinu, beygja, kreppa, sundur, saman. :O) Stundum er nefnilega hollt að horfa á lífið frá augum barnanna.

Engar myndir í þetta skiptið, er farin að efast um að einhver sé að skoða þetta, en þær koma þá líka bara næst.

Kveðja, Turner.

Ljóð eftir 10 ára snilling :O)

2008-11-19T20:05:00.000Z

Hreindýraslagur

Hreindýrin hlaupa hress og kát
yfir grasið grænt og glatt.
En þau segja skák og mát
þegar blettatígrarnir koma hratt.
Er ein bráðin liggur eftir
restin hleypur lengst í burt.
Síðan kemur sá æðsti og hreppir
bráðina eins og brauð sem er smurt.

Höfundur: Sigurður Már Steinþórsson

How you doin' ladies?

2008-11-14T12:55:00.000Z

flott tönnslumynd

Ingólfur Bjarki-smá syrpa

2008-11-09T10:05:00.007Z

Jamm, ég er mjög montin af flottu strákunum mínum...

Þessi nýji er búinn að stækka svo mikið að ég trúi því varla sjálf stundum. Mér er lífsins ómögulegt að skilja hverjum hann er líkur. Eitt augnablikið finnst mér hann vera alveg eins og ég, næsta alveg eins og Brói og svo auðvitað strákunum. Málið er nefnilega það að hann er svo mikið að mótast núna finnst mér. Efri gómurinn er orðinn vel bólginn og hann er að reyna að skríða alltaf hreint. Í morgun tókst honum svo loksins að fara upp á hnén en ekkert skrið enn, nema afturábak... :O)

Skelli hér inn myndum af honum síðan á gólfæfingu í morgun og baráttunni við fitness pakkann, sem honum fannst bara æði!

Svo má gjarnan skella inn kommentum um það hversu líkur hann sé mömmu sinni.

Kveðja, Turner.

Fimm mánaða tannálfur!

2008-11-06T09:30:00.004Z

Jamm, tíminn líður hratt á gervihnattaöld og sá stutti kominn með tvær spánýjar tennur!

Lífið gengur annars sinn vanagang, mig dauðlangar að klára öll verkefni fyrir jólin svo ég geti andað og líka stokkið í smá framkvæmdir, mála eða eitthvað. Fékk einmitt 8,7 úr verkefni og fyrirlestri sem ég hélt í stjórnun og það var smá svona staðfesting að ég sé á réttri hillu. Gaf mér smá boost til að halda áfram. Það er ekki auðvelt að vera í fullu námi og rúmlega fullu heimili, en þetta gengur og kemur allt með kalda vatninu. Litli er búinn að vera kvefaður og örlítið pirraður út af tönnunum en það er nú allt í lagi, hann er svo ótrúlega rólegur og góður samt. Handóður jáhá, en rólegur líka. :O)

Slatti eftir af verkefnum, en saxast þó á. Hefur verið erfitt að finna tíma en gott að fá góða hjálp. Tengdó eru búin að vera rosalega dugleg og finnst alveg agalega gaman að gaurnum, enda er hann orðinn svo mikill krakki. Brói er í fæðingarorlofi í desember svo það verður ekkert smá kósí þá.

Svo er það bara diplomaverkefni eftir áramót+10 einingar í skólanum og þá vonandi útskrift í júní. :O) Anda inn og anda út, anda inn og anda út. Set hér inn nýja myndaseríu af litla gaurnum fyrir þá sem það vilja :O) Það meira að segja sést smá í tvær geiflur í neðri góm á einni þeirra. Ætla að halda áfram að læra, frímó búnar.

Kveðja, Turner.

Gallabuxnagaurinn

2008-10-16T15:58:00.002Z

varð að skella þessum hérna inn. Hér er hann nývaknaður í vagninum. :O)
Kv. Stæner &Ingó

Ingólfur Bjarki orðinn fjögurra mánaða og rúmlega það

2008-10-08T12:56:00.005Z

Hef þetta stutt, Ingó er orðinn rúmlega 4ra mánaða, farinn að snúa sér og reyna að skríða. :O)
hér koma myndir.

Kv. Stína.

Ég öðlaðist nýja sýn á lífið!

2008-10-01T11:24:00.002Z

Bara þessi eina mynd hefur breytt ansi miklu í dag!

Svona á maður víst að vigta sig! Það bara hlaut að vera! Breytir ansi miklu fyrir mitt viðhorf til lífsins. Finnst ég vera svo miklu léttari eitthvað. :O)

Kv. Turner.

Leikir drengja í dag :O)

2008-09-19T09:48:00.003Z

Hæ hæ.
Ja, ef maður er ekki fyrirmynd þá veit ég ekki hvað!

Synir mínir hafa eytt síðustu þremur dögum í alveg ótrúlegan leik sem er svo flottur ða ég varð að skrifa um hann hérna. Þeir eru búnir að leika og leika sér saman rifrildalaust síðustu kvöld og vera þvílíkt góðir, hlæjandi saman og voða kátir. Eitt kvöldið komst ég svo að því um hvað leikurinn snérist. Gústi sat í sófanum með tvo Dracco karla (litlir plastkarlar) og ég spyr hvort þeir séu bara hætti í leiknum og farnir að glápa á imbann, svörin stóðu ekki á sér.

Jú, sjáðu til mamma mín, þetta er ég og þetta er hún X(stelpa sem Gústi er skotin í og má ekki nefna á nafn), við erum hérna (lágu saman Dracco karlarnir) að búa til börn og það tekur tíma! Siggi sat í öðrum stól og bara horfði á, kannski ekki eins tíðindamikið í leiknum hjá honum, konan hans ekki sjáanleg (ég fæ reyndar ekki að vita nafnið á henni). Ég reyni að hlægja ekki og sýni mikinn áhuga, leyfi þessu aðeins að ganga og spyr svo hvort það sé komið barn og svörin standa ekki á sér! Ohhh mamma, núna er hún sko að fæða barnið og VIÐ erum með hríðar! Hahaha, ég sprakk næstum úr hlátri yfir þvi að hann væri að endurupplifa líf mitt síðustu mánuðina á þennan hátt.

Svo eru þeir búnir að byggja hús úr domino kubbum og kapla kubbum sem allir eiga heima saman í. Eitt kvöldið kíkti ég svo á dásemdina og viti menn, kominn fullur kassi af börnum! Gústi átti svona sirka 30 og Siggi ein 6. Ég spyr Gústa hvernig hann ætli eiginlega að ala önn fyrir öllum þessum börnum og hann segir sposkur á svipinn að hann ætli sko að verða símasölumaður, vera heima allan daginn og vinna við að hringja heim til fólks og selja þeim drasl. Ég gef lítið fyrir það en segi sisvona að hann yrði nú að vera Ronaldinho eða eitthvað til að eiga nægan pening fyrir mat handa þeim. Svo fer hann að sofa.

Um morguninn heyri ég læti í herberginu hans og hann er þá að saxa úr barnahópnum, velur flotta Draccoa og setur hina í tösku. Svo kemur hann fram og ég spyr hvað hafi orðið um börnin hans og það stendur ekki á svörum, hann sendi þau á svona heimili og lét ættleiða þau, svona ættleiðingarheimili. Það er alltaf fullt af fólki sem vill ættleiða börn segir hann mér og bendir á að hann hafi sko ekki efni á öllum þessum börnum! Haha, flottir þessir strákar.

Sá yngsti er flottur, algjört rassgat sem bara gefur og gefur. Ein erfið nótt að baki enn sem komið er og ég hélt hreinlega að hann væri með í eyrunum eða eitthvað en svo reyndist ekki vera sem betur fer. Var reyndar með slímhimnubólgu eða eitthvað sem hefði getað orsakað verkina eða kveisu eða eitthvað, alla vega er þetta búið, stóð yfir í sirka hálfan sólarhring, haha. Furðulegt.

Við gáfum honum graut í gær að vel hugsuðu máli, ég ætlaði að reyna að geyma það þangað til hann yrði 8 mánaða eins og Gústi og hafa hann bara á brjósti fram að þeim tíma en þegar hann var farinn að breyta nætursvefninum góða og ég búin að reyna í viku að gefa honum meiri rjóma en undanrennu (sem reyndar virkaði á dagpirringinn), gafst ég upp og grautur var það heillin. Ég stóð því yfir skál í gær með teskeiðarfylli af graut og mjólkaði mig til að blanda graut handa þeim stutta sem er reyndar ekkert svo stuttur lengur. Honum fannst hann aldeilis góður, smjattaði á honum og ljómaði eins og sól í heiði. Loksins viðurkenndur í samfélagi manna, ekki lengur brjóstabarn heldur líka grautarhaus. :O) Voðalega glaður sveif hann í nóttina og svaf hana alla! Vei, vei, vei, þvílík orka sem ég hef í dag. Æðislegt, vona að þetta hafi verið málið.

Annars er hann farinn að spjalla heilmikið, hreyfir munninn eins og hann sé að flytja ræðu og hljóðin allt frá skræku herópi til muldurs í gömlum karli eða eitthvað, rosaleg flóra af hljóðum sem hann gefur frá sér. En jæja.....

Kv. Turner sem ætlar að svæfa einn þreyttan og LÆRA! :O)

29 baby!

2008-09-15T15:35:00.004Z

Úff já, það er ekki hægt að neita því að það fór hrollur um mig þegar ég vaknaði á laugardagsmorguninn og fattaði að ég ætti afmæli! Árin....29 talsins, ekki alveg að fatta þetta. Að maður sé að verða þrítugur á næsta ári er bara lygilegt. Finnst ég ekkert hafa elst og finnst einmitt frekar eins og ég hafi aldrei áður verið eins hraust og sterk og núna. Hrörnunin ekki farin að segja til sín ennþá, hehe.

Dagurinn var yndislegur, við fórum í sund í Glerárlaug, heimsókn til tengdó og svo gaf ég körlunum mínum Brynju ís. Kvöldið var svo ekki af verri endanum, Bróa steiktar mjúkar svínalundir, rauðvínssósa, smjörsteiktir sveppir og grænmeti! Mmmmmmmmmm. Um kvöldið kíkkaði mamma ( pabbi lasinn :( ) svo í heimsókn ásamt Fúsa bróður sínum og Bubbu konunni hans. Við buðum upp á heimabakaða franska súkkulaðiköku með heslihnetum og pekan, bárum fram vanilluís, jarðarber og rjóma með henni og það tókst agalega vel. Var bara mjög kósí kvöld og fullkominn endir á góðum degi. Guttarnir mínir fengu að vaka lengi og kúrðu svo uppí hjá okkur Bróa. Það var þröngt á þingi en voða notalegt.

Fékk nokkrar kveðjur sem ég þakka hér með fyrir.
Leyfisbréfið mitt var að detta inn um lúguna.

Hér með er ég formlega orðin grunnskólakennari!

Mússí múss, Turner.

Gamla tuggan um hvað tíminn líði hratt

2008-09-10T16:51:00.007Z

Jamm, það er merkilegt hvað tíminn getur flogið hjá þegar mikið er að gera.

Ingó stækkar þvílíkt á hverjum degi og hann er sko búinn að mannast alveg þvílíkt mikið. Síðasta vika fór í lotu í skólanum hjá mér eða réttara sagt "okkur" mæðginum og allt gekk vel. Ég sveiflast svolítið á milli þess að vera hrikalega ánægð með að hafa drifið mig í að sjá hrikalega eftir því. Allir græða svo sem þegar upp er staðið en ég verð að játa að í byrjun var þetta ansi yfirþyrmandi en ekkert er óyfirstíganlegt. Hef bara ákveðið að taka mottó landsliðsins bókstaflega og gera mitt besta. :O)

Stundum hugsa ég til baka og sé hversu mikið hefur gerst í lífi mínu síðustu 10 ár og vá hvað margt er breytt síðan þá. Stundum finnst mér ég vera alveg hrikalega gömul en þá næstu finnst mér ég bara enn vera 17 ára. Er bara ákveðin í að njóta áranna framundan hvað sem tautar og raular og hversu mikið lesefni sem ég á eftir læt ég það ekki trufla mig. Ég er svo heppin að eiga gott fólk að sem hefur hjálpað mér í gegnum þetta allt saman og er enn að bjóða hjálp sína. Brói er algjör hetja og gerir mikið hérna heima, leggur sitt alveg til hliðar fyrir mig en mér líður reyndar skringilega að vera eins og einhver prinsessa á bauninni en kannski er það allt í lagi, námið skipti okkur jú öll miklu máli. Það er bara svo gott að finna svona samhug og stuðning. Ingó hefur verið rosa duglegur, fyrstu dagarnir í pössuninni voru ekki auðveldir og ýmis skemmtiatriði stóðu honum til boða en hann vildi bara túttuna hennar mömmu. Svo komst hann fljótt á lagið og allt gekk miklu betur. En jæja, best að fara að tala við litla krúttið, hann liggur hér á gólfinu og rífst við þvottadallinn, haha. Þvílík hljóð í einum gaur, haha.

Síðustu dagar hafa beisikklí farið í að hugsa um Ingó, eyða hverri vökustund í lestur og skóla og svo er eldað og gengið frá á kvöldin og án gríns.....sofnað um 9 leytið! Ótrúlegt hvað maður er þreyttur alltaf hreint, enda þvílíkt mikið að gera. En svona vildi maður víst hafa þetta. :O)

Skelli hér inn nokkrum vel völdum af litla feita mömmustráknum fyrir ykkur að dást að. :O) Hann er að verða rosa gaur eins og sést, farinn að gera kúlur og heldur að hann sé voða klár að halda á snuddunni sinni og leika sér eins og stóru strákarnir.

Kv. Stína bína.

Þriggja mánaða gullmoli!

2008-08-28T11:29:00.005Z

Jamm, hann Ingólfur Bjarki er víst orðinn þriggja mánaða og tveimur dögum betur.

Við fórum í skoðun í gær og sprautu sem gekk alveg hrikalega vel, drengurinn blikkaði ekki einu sinni. Hann var hvorki meira né minna en rétt tæp 7 kíló, þar af hafði hann sumsé þyngst um heilt kíló á þremur vikum. Ekki nóg með það heldur er hann að ná 63 eða 64 cm! Greinilegt hvað tíminn líður hratt. Hann kjáði framan í alla í skoðuninni nema hjúkkuna, var bara hræddur við hana og sendi henni skeifu og nokkur vel valin öskur, en það er nú allt í lagi að láta heyra í sér annað slagið. Hann heldur áfram að sofa á næturnar og ég krossa putta að það hætti ekki, er á meðan er. Svo er hann enn svona yndislega glaður og góður, farinn að grípa leikföng, skoða dót og reyna að snúa sér af baki á magann. Svo gæti ég trúað að það styttist í litlar tönnslur, alla vega er slefið meira en eðlilegt getur talist fyrir utan það að báðir hnefarnir á drengnum eru alla jafna uppi í honum. :)

Ég get eiginlega ekki útskýrt hversu mikið þessi draumaprins hefur gefið mér og ég er sannfærð um það að börn eru framtíðin og það eina rétta sem maður gerir í lífinu (ef maður getur) er ða eiga börn. Maður getur tekið allskonar rangar ákvarðanir og réttar svosem líka, en þegar uppi er staðið eru börnin okkar einu ákvarðanirnar sem alltaf fylgja okkur og gefa okkur meira en nokkur orð fá lýst. (Á meðan ég skrifaði þessar línur kúkaði Ingó á leikteppið sitt...bleyjulaus! Haha, frekar fyndið.

Framundan er svo fullur skóli eins og ég hef sagt fyrr, byrjar í raun á sunnudaginn, fótboltamót á laugardaginn á Húsavík svo það er nóg að gera.

Ég er búin að kaupa bækur og hef aðeins opnað þær en það er ótrúlega lítill tími egar svona lítil kríli fá svona mikla athygli. :O) Brói hefur ofaní allt verið að vinna mikið, er eiginlega á tvöföldum vöktum, dag- og næturvöktum þannig að pressan hefur verið á mér. En það er að fara að breytast. Er því með örlítinn kvíða-og tilhlökkunarhnút í maganum þessa dagana.

Skelli hér inn einni góðri af Sigga á leið í 80's party. Mamman sá um þennan kúl búning og þessa vel útfærðu greiðslu enda reynslunni ríkari eftir 80's þema HA og Sultuklúbbsins hér um árið, sælla minninga! Skemmst frá því að segja þá vann drengurinn til verðlauna, enda var hann með gloss, glimmer í hárinu og allt!

Kv. Turner.

Hæ hæ-svipbrigði

2008-08-22T14:30:00.005Z

Jæja gott fólk og verra. :O)

Héðan er allt gott að frétta, mikið að gera á þessum síðustu tímum áður en skólarnir byrja hjá okkur og af nógu að taka í tiltekt og frágangi ýmis konar. Það er ekki mjög margt sem kemst í verk með einn lítinn gutta á kreiki en samt ótrúlega miklu áorkað, enda er hann svo mikið rassgat, rosa þægur og góður.

Veit svosem ekki alveg hvað ég á að skrifa hérna, er á milli mjalta og messu alla daga núna, verið að safna upp í mjólkurkvóta fyrir skólann, enda þarf barnið að vera með brjóstið í fjarnámi þá daga sem ég verð í skólanum og því af nógu að taka. Hann stækkar með hverjum deginum, þetta líður alveg ótrúlega hratt og liggur við hraðar en með hina einhvern veginn, enda svosem hellingur að gera.

Ég er komin í átak, er orðin leið á að vera fituhlussa sem aldrei passar í fötin sem fást í búðunum, nenni ekki að hoppa af kæti ef ég finn fitubolluföt í minni stærð sem passa og kaupa þau síðan óháð því hvernig þau líta út. Vil bara geta keypt það sem mér finnst flott og beðið um mína stærð. Ég er því komin í tóma hollustu án einhverra öfga, enda með litla kútinn á brjósti. Vona bara að þetta gangi vel, er alla vega mjög langt frá því að springa núna. Langar ekkert í nammi eða gos.

Strákarnir voru á skólasetningu í morgun og eru að byrja í 3. og 5. bekk, ekkert smá orðnir stórir maður. Báðir komnir á 2. hæð í Giljaskóla, sem þeim yngri finnst voða sport. Þeir eru alltaf að kjassast í þeim stutta og eru mjög góðir við hann, afbrýðin bitnar meira á mér sem er svosem ágætt þannig séð. Líst bara vel á þessa skólabyrjun hjá þeim en þarf að fara að huga að minni núna. Róðurinn verður örugglega ansi þungur, er að fara í 15 eininga nám nú í haust og síðan aðrar 15 eftir áramót. Námið er í stjórnun en ég tek tvö valfög þessa önnina sem ég hlakka mikið til að taka. Hlakka mest til en er þó með smá hnút í maganum sennilega samviskutengdan vegna Ingólfs Bjarka. Held samt að þetta reddist allt saman. :O)

Æji, skrifa meira seinna, skelli hér inn nokkrum vel völdum af þeim þriðja, öðru nafni Ingó. Ansi flott svipbrigði sem hann er farinn að setja upp :O)

Við heyrumst síðan seinna. Kv. Turner.

Mamma, fótboltamamma og gamalmenni!

2008-07-17T12:03:00.005Z

Jamm, öll ofangreind orð lýsa mér ágætlega þessa dagana.

Ingólfur Bjarki hefur nú farið á tvenn fótboltamót og er að fara á sitt þriðja núna um helgina.

Það hefur verið mikið að gera undanfarið, Siggi orðinn 10 ára, (þess vegna er ég gamalmenni), við Brói áttum 5 ára brúðkaupsafmæli sama dag, erum búin að fara á Ólafsfjörð á fótboltamót yfir helgi, Húsavík á mót í einn dag og það rigndi allan tímann.

Ingólfur hefur heldur betur bætt á sig, er allur að mannast og brosir nánast allan daginn. Ég hef ekki enn fengið hann til að skella upp úr en hann hefur hlegið aðeins. Hann er ótrúlega róleg týpa, er ekkert að stressa sig yfir hlutunum og hann sefur í vagninum sínum á meðan hann er á ferðinni. Svo er hann farinn að sofa alla nóttina gott fólk! og ekki einu sinni orðinn tveggja mánaða gamall. Sofnaði hálf ellefu í gærkvöldi og vaknaði....klukkan átta!!!!

Ég hef verið að skoða skólamál aðeins, krossa fingur að allt gangi vel upp. Ég er búin að ákveða að stefna á fullan skóla í haust á meistarastigi og svo aftur í vor. Þá mun ég ná 30 eininga diplomanámi ef allt gengur eftir. Hálfnuð í masterinn, ekki slæmt það. :O) ég er svolítið kvíðin en held að allt fari vel, ég síkreta það eins og strákarnir segja. En jamm, meira af mér seinna, litli að vakna eftir góðan dúr. Set hér inn nýlegar myndir af öllum strákunum mínum og svo eina gamla af Gústa og Sigga litlum, frekar flottir. Finnst eins og þeir hafi verið svona í gær...en það eru víst átta ár síðan. Siggi með myndavélarbrosið sitt og allt. :O)

Kveðja, Stína.

The teacher!

2008-06-18T16:41:00.003Z

Jæja, þá er það allt saman afstaðið og ég orðin leik- og grunnskólakennari!

Útskriftin var frábær, ég var búin að hafa miklar áhyggjur af Ingólfi Bjarka en hann var eins og engill við pabba sinn sem stóð sig eins og hetja.

Dagurinn var alveg ótrúlega skemmtilegur og ég held að ég hafi aldrei upplifað að einhver dagur snérist bara um mig. Ég fékk engar smá gjafir og er alveg að springa úr gleði yfir þessu öllu saman. Brói hélt mjög flotta grillveislu fyrir mig og var á fullu allan daginn, fyrst með Ingólf Bjarka en síðan í veislustússi. Flottur karl, ég var mjög þakklát og ánægð með hann eins og alltaf.

Ég þurfti að fara tvisvar sinnum upp og taka við skírteinum og datt ekki, rak ekki við og bara hreinlega lifði það af og stóð mig nokkuð vel. :O)

Meðaleinkunnin mín var 8,34 og ég er mjög stolt af henni, ekki síst þar sem að baki henni liggur mikil vinna og stuðningur frá öllum hérna heima.

Ingólfur Bjarki heldur áfram að dafna vel, er kominn með væna undirhöku og er að skríða í fimm kílóin, búinn að bæta einu á sig frá fæðingu og hann er rétt þriggja vikna. Hann á örugglega eftir að verða ansi þéttur og flottur gaur. Hann er áfram jafn vær og fyrr, aðeins farinn að vaka meira og meiri persóna að koma í hann, hann er líka farinn að brosa sem getur fengið mann alveg til að bráðna. Brói á bara þessa viku eftir og fer að vinna í næstu viku sem er svo sorglegt. Við höfum verið svo mikið saman síðustu vikur að ég á eftir að verða algjörlega vængbrotin þegar hann verður ekki eins mikið heima. Við verðum þá bara að nýta tímann vel sem við fáum saman.

Framundan er meðal annars tíu ára afmæli Sigga, fimm ára brúðkaupsafmæli okkar Bróa, eyjaferð hjá Sigga og margt fleira spennandi. :O)

Heyrumst, Turner leik-og grunnskólakennari.

Draumur í dós

2008-06-01T22:24:00.003Z

Hæ hæ.

Verð bara að segja að síðustu dagar hafa verið alveg sérdeilis prýðilegir.

Drengurinn er algjör draumur, sefur og drekkur, er svo innilega vær og góður að það hálfa væri nóg. Hann grætur voðalega lítið og er svo flottur þegar hann vakir, mér finnst hann bara stækka með hverjum deginum. Hann er kominn með undirhöku og alles, er svo flottur að ég er að springa úr monti. Nóg er nú montið í manni en það má alveg monta sig af svona gaurum. Strákarnir sjá ekki sólina fyrir honum Ingólfi Bjarka og eru vægast sagt hjálpsamir. Það hefur verið voða rólegt hjá okkur Bróa hér heima með Ingólf og það hefur verið notalegt. Hann fór í fyrsta skipti út í vagn í dag og í sitt fyrsta bað. Honum tókst líka næstum því að pissa upp í mömmu sína eftir baðið, haha. Svo fer víst bara að líða að útskriftinni og ég ekki enn farin að fatta það einhvern vegin. Ég er svo föst í þessari óléttu og barneignum að ég hef varla haft tíma til að hugleiða hana. Það verður grillveisla að öllum líkindum, rólegt og næs en umfram allt skemmtilegt vona ég. Ég verð sennilega voðalega montin þann dag líka, hehe. Ég er farin að hlakka til að taka á móti plöggunum. En jæja, nóg um það, skelli hér inn myndum af Ingólfi Bjarka og vona að þið njótið vel. :O)

Kveðja, Stína montrass.

Komin heim!

2008-05-29T20:41:00.005Z

Langflottastur!

Komin heim og allt gengur vel. Losnaði við allt fyrr en ætlað var og þessi snilli fékk að fara fyrr heim en ella og ekkert kom út úr ræktunum þannig að sennilega var þetta bara gula og ekkert annað. Við erum mjög fegin að þetta var ekkert alvarlegt en upplifunin var samt erfið en ekkert hræðileg. Varð að skella inn einni góðri hérna af honum í essinu sínu, söddum og sælum.

Ingólfur Bjarki stóð sig eins og hetja þó hann væri stunginn og skoðaður í bak og fyrir. Fólkið á deildinni var frábært en það er voðalega gott að vera komin heim. :O) Gaurinn sefur og drekkur og gleður okkur þess á milli, ekkert smá flottur.

Kær kveðja, Stína.

Ingólfur Bjarki

2008-05-28T21:40:00.009Z

Hér er þessi dýrlegi drengur á ýmsum augnablikum þessa fyrstu daga sem hann er til.
Varð bara að henda inn myndum og monta mig. Allt gengur vel og hann braggast mjög vel hér undir góðu eftirliti og paranojaðri mömmu. :O) Hann er duglegur að drekka en er með sondu til að bæta við enn sem komið er þannig að hann jafni sig hraðar. Hann er ótrúlegur sjarmör og heillar alla hérna upp úr skónum þannig að mamman og pabbin eru að rifna úr monti yfir þessum frábæra strák. Myndirnar eru kannski út um allt, en alla vega til staðar. :O)

Bið að heilsa, er farin í háttinn og svo aðeins að kíkka á hann í nótt. Biðjum innilega að heilsa og njótið myndanna vel. Kv. Stína og strákarnir 4!

Kveðja, Stína.

Herra Ingólfur Bjarki

2008-05-28T14:34:00.004Z

Hæ hæ allir saman og afsakið töfina.

Héðan er svo sem allt gott að frétta þannig séð nema það að við erum á barnadeild FSA í þessum töluðu þar sem litli drengurinn okkar er í rannsóknum. Það er ekkert alvarlegt sem hefur komið úr þeim, nema það að gulan hefur verið að stríða honum þannig að hann hefur ekki nennt að nærast nóg.

Hann, þessi gullfallega elska fæddist kl. hálf tvö þann 26.maí og var 54 cm og 16 merkur. Allt gekk vel og fæðingin tók nokkuð fljótt af. Hann er alveg ótrúlega fallegur, með mikið hár, fínlegur með six pack. Við erum sumsé búin að skíra hann hérna í kapellunni áður en við fórum heim og heitir hann Ingólfur Bjarki, sem er sameiginleg niðurstaða famelíunnar eftir milljón uppástungur síðustu mánuði. Strákarnir okkar komu með nafnið og okkur finnst það alveg jafn fallegt og hann er. Það hæfir honum ótrúlega vel.

Daginn eftir að við komum heim, í gærdag var hann kominn með hita, hættur að drekka, var óvær og var orðinn frekar gulur miðað við aldur. Hann fór því hingað í test sem öll komu vel út. M.A var tekinn vökvi úr mænu og fleira sem allt hefur komið fínt út. Vona bara að það haldi áfram. Hann var í ljósum í nótt og fékk sýklalyf strax í gær. Þetta hefur verið erfitt en gott að vera öruggur. Hann hefur staðið sig eins og hetja og ég er mjög sátt við það. Er sjálf ótrúlega hress, þetta hefur tekið á og sólarhringarnir tveir verið ansi annasamir og flóknir, en þetta er allt í áttina.

Mig langar að biðja ykkur að dreifa fréttum af drengnum, nafni og fleiru ykkar á milli þar sem ég varð inneignarlaus þegar ég var að reyna að sms-a liðið þannig að sumir fengu skilaboð en aðrir ekki. Það var engin goggunarröð, bara tilviljun. :O)

Svo stóð auðvitað til að skella inn myndum og láta fleiri vita en eins og sést að ofan hefur tíminn farið í annað. :o( Við munum vera hérna næstu tvo daga og ég reikna með að taka því síðan rólega heima og hitti ykkur svo þegar þetta allt er afstaðið. Skelli kannski inn myndum í kvöld ef tími er til.

Kær kveðja, Stína, Brói, Ingólfur Bjarki og stóru bræðurnir flottu.

Verkir!

2008-05-25T20:35:00.000Z

Jamm, verkirnir komnir og vonandi eitthvað að gerast.
Ég læt vita um leið og eitthvað gerist en er ekki örugg að það sé komið að þessu, plús það að það gæti allt eins allt dottið niður bara.

ÉG er svo spennt!!!
:O)

41 vika+2 dagar!

2008-05-25T14:53:00.002Z

Ekkert að gerast ennþá.
Býst ekki við að neitt gerist þá bara fyrr en á fimmtudagsmorgunn á milli 7 og 8, þegar belgurinn verður sprengdur. Læt annars heyra um leið ef eitthvað gerist fyrr. Er að verða brjáluð á biðinni sem endranær og vildi helst vera búin fyrir löngu. En þessi púki ætlar ekki að láta hafa lítið fyrir sér og er búinn að byggja upp þvílíka spennu. Algjör púki bara. :O)

Kv. Stína.

22.maí runninn upp

2008-05-22T15:45:00.002Z

Jamm og jæja, mín komin aftur frá doksanum.
Fór í mónítor, mat, sónar og svo hreyfði læknirinn aðeins við belgnum.
Þegar við komum upp á deild tók á móti okkur ljósan sem tók á móti Gústa hér um árið, alveg frábær manneskja. Ég fór í mónitor sem kom mjög vel út en þegar við síðan fórum í sónarinn sagði læknirinn að það hefði ekkert upp á sig að giska á stærðina, það væri ekki að marka það. En hún þreifaði mig og sagði að barnið væri ekki stórt...sem betur fer. Síðan hreyfði hún rækilega við belgnum og gaf mér tíma næsta fimmtudag í belgsprengingu ef ekkert hefur gerst.

Þegar við síðan vorum búin þar bauð ljósan mér nálastungur til að koma einhverju af stað sem ég auðvitað þáði. Ég lá því með nálar, eina í hvorum fæti, eina í hvorri hönd, þrjár eiginlega í rassinum (eða fyrir ifan hann í mjóbakinu) og svo eina á milli augnanna! Mjög fyndið og mjög spes upplifun sem ekki gleymist í bráð. En þá er víst ekkert annað að gera en að bíða, sem er reyndar einmitt það sem ég hef gert síðustu daga, vikur og mánuði. Kannski það gerist eitthvað í kvöld yfir æsingnum vegna forkeppninnar? Vonum það bara. Ef eitthvað gerist skelli ég því hér inn eða sendi ykkur skiló elskurnar. Hafið það síðan gott. ég veit að ég mun gera það, á að taka því rólega eftir nálastungurnar.

Kv. Turner kúla.

20.maí

2008-05-20T21:46:00.003Z

Jamm, enn ekkert að gerast og spennan í hámarki.
Fór í mæðró í dag og blóðþrýstingurinn eitthvað að stríða mér svo mér var sagt að chilla aðeins. Hef einmitt farið mér einum of geyst í öllum húsráðunum, hehehe. Búin að taka alþrif og allt en ekkert gerist þrátt fyrir það allt saman. Aumingja karlinn orðinn úrvinda þó við förum ekkert nánar út í það. En honum hlýtur að vera farið að líða eins og húsdýri eða eitthvað og þetta allt orðið partur af heimilisstörfunum. Ljósmóðirin ýti aftur við belgnum og fann ekki mikla breytingu frá því síðast. Kollurinn á ekki að vera stór samkvæmt áliti hennar en ég er orðin frekar stressuð um að barnið fari að verða eins og Siggi litli nýfæddur, tæp 5 kíló. Býð ekki alveg í þann pakka svo ég vona bara að allt fari að gerast og óska eftir sterkum hríðarstraumum frá ykkur krúttin mín.

Fer annars í mónítor, skoðun, vaxtarsónar og dagsetningu á gangsetningu á fimmtudaginn svo ég get skellt inn fréttum þá. Eitt er samt víst, eftir 9 daga verð ég í síðasta lagi gangsett. :O) Svo barnið fæðist vonandi alla vega um þar næstu helgi. Allt er ready nema barnið sjálft, hehe.

Heyrumst krútt og takk fyrir kveðjurnar.
Kv. Stænerinn.

18.maí

2008-05-18T20:23:00.001Z

Hæ hæ, ekkert að gerast enn....vildi bara láta vita. :O)
Við bíðum bara og bíðum með allt klárt og þessi þrjóskupúki kemur víst bara þegar honum sýnist....eða þegar ég spring. :)

Kv. turner.

40 vikur og ekkert barn!

2008-05-16T09:41:00.003Z

Hæ hæ.

Í dag er 16.maí sem er settur dagur barnsins sem þýðir í raun að það ætti samkvæmt öllu að fæðast í dag. En það er ekkert að gerast, ekkert í gangi og barnið bara vill vera inni og láta bíða eftir sér.

Stanslausar símhringingar þar sem spurt er hvort það sé ekkert að gerast, hvort ég sé virkilega ekki með neina verki er ekki að hjálpa. :O) Það sem mér finnst þó fyndnast er þegar einhver spyr mig hvort ég sé ekki dottin eða sé ekki að fara að "detta". Þetta orð finnst mér alveg agalega asnalegt en pirringurinn er kannski að segja til sín.

Ég er bara svo leið á þessari leiðindabið fyrir utan það að ég fer bráðum að tútna út af þessum bjúg sem ég er nýkomin með. Ljósan ýtti aðeins við letipúkanum í síðustu skoðun en allt kom fyrir ekki, ekkert barn enn. Við Brói erum búin að vera dugleg í alls konar "leikfimi", göngutúrum og svoleiðis en ekkert gerist. Fórum í massagöngutúr um daginn og þegar við komum heim litu puttarnir á mér út eins og puttarnir á afa gamla, feitir, þykkir og stuttir, allur bjúgurinn kominn í þá. Hehe, ótrúlega fyndið. Þetta var samt ekkert voðalega þægilegt, gat ekki einu sinni hreyft þá.

Held kannski að ég sé bara allt of spennt og upptekin við að hugsa um að barnið sé að fara að koma og eigi að koma að það hættir bara við allt saman. :O)

Gaurarnir hafa lagt sitt af mörkum þessa síðustu viku meðgöngunnar sem hófst á því að Siggi veiktist á sunnudaginn síðasta og síðan fylgdi Gústi í kjölfarið núna á miðvikudaginn þannig að við Brói höfum verið bundin með annan fótinn heima en höfum þó farið út að labba og tekið bílinn okkar í gegn. Þeir sem hafa þegið far með mér einhvern tíman geta ímyndað sé að kominn hafi verið tími á það svosem. En þeir eru sumsé enn veikir gaurarnir og ég krosslegg bara puttana að fá ekki þetta ógeð sem þeir eru með ofan í yfirvofandi fæðingu. Vá, þetta er sennilega svartsýnasta blogg sem ég hef skellt hér inn í góðan tíma en þolinmæðin er á þrotum og aðstæður ekki alveg eins og best verður á kosið.

Ég hlakka þó alveg hrikalega til þegar eitthvað gerist og það er ekki oft sem maður liggur á bæn og biður um að verkirnir fari að byrja. :O) Fer bráðum að öskra eins og í Tal auglýsingunni (Viltu LÆKKA!) VILTU FÆÐAST!! :O)

Kveðja, Turner bjúgkúla með fleiru.

Skrítnir tímar! :O)

2008-04-22T14:00:00.003Z

Hæ hæ allir.

Í dag fór mín og gekk frá fæðingarorlofsumsókninni, á bara eftir að henda henni í póst. Þegar ég fór upp í skóla á okkar yndislegu office í kennaradeild fékk ég þær upplýsingar að ég væri skráð á haustmisserið í framhaldsnám! Vá, ég eiginlega bjóst ekki við svari svona strax en tek því þannig að ég sé komin inn, enda sé ég þetta líka á Stefaníunni. Maginn á mér eiginlega snérist bara við og blendnar tilfinningar fóru um hugann. Þarna stóð ég, himinlifandi yfir að vera að klára en á sama tíma gladdist ég hrikalega yfir því að hafa komist inn. :O) Þetta verður sennilega svolítið svoleiðis, gaman en erfitt en þá er bara að bíta á jaxlinn.

Bumban stækkar alltaf meira og meira og sígur í takt við það. Hlýtur að fara að koma að þessu öllu saman, barnið búið að vera djúpskorðað í nokkrar vikur núna. Barnið elskar James Blunt og tekur alltaf þvílíka kippinn þegar það heyrir í honum. Hefði auðvitað átt að fara á tónleikana 12. júní, en það bíður betri tíma.

Í nótt dreymdi mig ótrúlega sérstakan draum, ég eignaðist barnið en það kom út í sigurkufli og þegar var skorið á hann kom þetta yndislega fallega stelpuandlit í ljós, hún var svo falleg með sinn kolsvarta hárlubba en hún var með skarð í vör. Mjög sérstakur draumur en vá hvað hún var yndisleg.

Strákarnir mínir eru að verða svo stórir, mér finnst ég vera orðin gömul. Siggi er að verða 10 ára og Gústi "litli" 8 ára! Siggi er farinn að fara í sturtu á morgnanna áður en hann fer í skólann og er farinn að pæla svolítið í útlitinu. Gústi er alltaf við sama heygarðshornið, einstakur og sterkur karakter sem mun plumma sig fínt í framtíðinni. Siggi minn örlítið viðkvæmari og auðsærður, hinn svarar sko alltaf fyrir sig. Þeir eru alveg ótrúlegir strákar, ég er rosalega stolt af þeim. Þeir fóru í lestrarpróf og Siggi er með 377 atkv. og Gústi 292, ekki slæmur árangur það! Fótbolti á hug þeirra allan og auðvitað barnið líka. Þá hlakkar mikið til óg elska þessa flottu sumardaga, eru í bolta allan sólarhringinn ef svo liggur við, enda orðnir þvílíkt sólbrúnir og enn sætari!

Ég hlakka líka rosalega mikið til sumarsins sem mun að miklu leyti fara í labbitúra og að kynnast þessu nýja kríli og aðlaga fjölskylduna að breyttum aðstæðum. Svo er bara skóli í ágúst-september! :O)

Myndirnar í þessu bloggi útskýra sig vonandi sjálfar, hehe. :O)

Bið annars að heilsa í bili, Turner hvalur.

Næstum 36 vikur!

2008-04-15T08:08:00.009Z

Hæ hæ krúttin mín (og þið hin sem rákust á bloggið mitt).

Lífið gengur sinn hæga vanagang á meðan maður bíður eftir að litla krúttið láti sjá sig. Merkilegt hvað manni getur leiðst að hanga svona heima, vanur því að vera alltaf á fullu í skólanum í um eða yfir 20 einingum en núna veit maður varla hvað maður á af sér að gera. Sumt sem ég geri er ekki hollt, ég er til að mynda nánast búin að horfa á ÖLL fæðingarmyndbönd á youtube, lesa allar bækur á amtsinu um fæðingar og í raun ofurskipuleggja allt í kringum fæðinguna sem er kannski ekkert svo sniðugt þegar upp er staðið. Ég er komin með alla stóru hlutina sem mig vantaði og ég hef vægast sagt keypt það á flottum prís. Ég er komin með nýlegan Graco stól með base, nýtt hvítbæsað barnarúm með flottri astmadýnu, vagn með sér kerrustykki, hokus pokus stól, skiptiborð með baði og hillum og það allt á 30þús. svo ég er mjög sátt við sjálfa mig.

Nú er ég komin tæpar 36 vikur svo það er rétt rúmur mánuður í væntanlegan fæðingardag, en ég er mjög skotin í þeirri hugmynd að eiga þann 11. og er eiginlega búin að secreta það. 11. er mæðradagurinn og um helgi svo mér finnst hann upplagður. En jamm, allt gengur fínt í kringum óléttuna, nema tíminn vill varla haggast. Ég hef bara þyngst um 6 kíló eins og er og er ánægð með þá tilbreytingu. Grindin er að stríða mér, en ég lifi sko alveg af, hef flotta hjálp hérna heima og allir gaurarnir mínir eru að standa sig eins og hetjur. :O)

Ég sótti um framhaldsnám í menntunarfræðum í gær, brautin sem ég valdi er kennslufræði-hlutverk umsjónarkennara og til vara tók ég lestrarfræðin. Ég stefni svo á að taka þetta í rólegheitum fram á næsta vor að öllu óbreyttu og hlakka mikið til. Ég reyndar kvíði því að sama skapi, það er alveg nóg að reka heimili og vera með lítið kríli þó maður sé ekki líka í námi á meistarastigi en mér finnst þetta vera rétt nýting á tíma þar sem þetta gefur mér færi á að taka smá nám með. Vona bara að maður brilleri. Vona að sjálfsögðu líka að ég komist inn. :0)

Í dag er 31 dagur þar til krílið ætti að láta sjá sig og 31 skóladagur eftir hjá strákunum og 60 dagar í útskriftina mína! Ég get varla beðið. Þangað til læt ég mér bara leiðast. Skelli hér inn fallegum (not) bumbumyndum af mér (vegna áskoranna) og tek það fram að slitið er ekki nýtt, það er ekki alveg svona rautt eins og ég hafi verið klóruð af villidýri. Þetta er sumsé gamla, fallega slitið mitt frá fyrri barneignum. Njótið vel! :þ

Get ekkert fært til hérna í myndunum, skil ekkert í þessum ósköpum. Kannski koma þær bara út um allt! En bið alla vega að heilsa í bili.

Kv. Turner kúla.

52 dagar!

2008-03-25T10:26:00.002Z

Jæja gott fólk.
Æ emm alæv, merkilegt nokk og eiginlega rúmlega það.

Það er nefnilega skemmtilegt að segja frá því að ég er búin með námið mitt! Ég kláraði sumsé vettvangsnámið með pompi og prakt þann 14. mars. Það var alveg rosalega skemmtilegur tími og ég mun sakna allra þeirra sem ég kynntist þar þannig að það var ljúfsárt að labba þaðan út. Náði mér í góða einkunn, 9,5 og vona að það sama komi úr vettvangsskýrslunni sem ég skilaði af mér, 97 blaðsíðna langri. :O)

Síðustu dagar hafa síðan í raun farið í það að njóta tímans með familíunni, enda langþráð að vera ekki að læra allar helgar og geta bara gert hlutina áhyggjulaus. Það er rosalega góð tilfinning að vera bara ólétt og heima og ég ætla sko að njóta hvíldarinnar.

Það eru sumsé 52 dagar eftir í að krílið fæðist, ég er að skríða í 33 vikur og líður bara mjög vel. Ég hef ekki þyngst mikið sem betur fer og finnst það fín tilbreyting. Það eina sem háir mér er grindargliðnunin og hún er ekki af skornum skammti. Mér finnst rosalega gott að fara í bað og það er sárt að snúa sér á næturnar. Suma daga get ég varla lyft fæti til að klæða mig og það er ömurlegt að vera full af orku sem varla er hægt að nýta. Ef ég er of dugleg fæ ég það margfalt í hausinn þannig að karlarnir mínir hér á heimilinu hafa verið extra virkir í að þrífa og hjálpa mér við það sem þarf að gera. Í gær var ég að þvo eitthvað af fötum og setja upp baðborðið og fékk smá fiðring í magann.

Ég er samt hrædd um að næstu dagar líði hægt þar sem ég er ekki að vinna eða læra og er vön því að hafa allt í gangi. Vona bara að þeir líði fljótt, get varla beðið eftir að krílið láti sjá sig. :O)

En sumsé, ég er á lífi og bara ótrúlega hress. See ya gæs.
Turner.

Er að skríða í 28 vikurnar!

2008-02-17T19:42:00.002Z

Jamm, tíminn flýgur svo sannarlega áfram.
Allt gengur ljómandi vel og ég gæti ekki verið sáttari. Mig er þó farið að lengja eftir að klára skólann og geta almennilega einbeitt mér að barninu og óléttunni. Það líður stundum dagur án þess að ég hugsi um þetta litla kríli, reyndar er barnið duglegt að minna á sig og spörkin eru stundum mjög hress, en samt eru þessar hreyfingar ótrúlega dannaðar og skvísulegar. Þannig að hér er hugsanlega á ferðinni lítil skvísa eða kvenlegur strákur. :O)

Nú á ég eftir 4 eiginlegar vikur í vettvangsnáminu, en 3 þeirra fara í æfingakennslu og svo ein áætluð í skýrslugerð. Ég ætla að gera eitthvað frábært þegar ég klára þetta allt saman og hafa það síðan náðugt þær vikur sem eftir verða þá af meðgöngunni. En alla vega, allt gengur vel og við erum öll kát með þetta allt saman.

Kær kveðja til ykkar fjölmörgu sem lesið síðuna mína, hehehe. (Sumsé Sigga Gunna) :O)

Gaman gaman

2008-01-21T15:26:00.000Z

Jamm, lífið bókstaflega fýkur áfram, ég er komin næstum 24 vikur á leið og á eftir 8 vikur í vettvangsnáminu mínu.

Það hefur vægast sagt verið nóg að gera og mörgu að sinna. Ofan á allt bættist ferð á slysadeild með hann Sigga minn sem datt á markstöng á æfingu og beyglaði hana vel, jamm, og hausinn sinn aldeilis líka. Það kom góð kúla, mikið blóð og 4a spora skurður á hausinn á honum, samt var hann heppinn því hann var með húfu. Merkilegt hvað allt gengur vel og svo koma svona rispur inn á milli, hvort sem það eru veikindi eða eitthvað svona. Daginn eftir hringdi svo skólahjúkkan í mig vegna þess að Siggi er víst mjög litblindur og rauðgrænt ef þeir litir eru saman svo við fórum til augnlæknis í dag. Jamm, og svo er það saumataka á morgun. Hahaha.

En jæja, maður þarf víst ekki að kvarta undan svona smámunum því allt annað gengur sko aldeilis prýðilega vel. Vildi bara aðeins hripa niður nokkrar línur. Hér er svo mynd af þeim sætustu bræðrum í heimi, við jólatréð. :O)

Kv. Turner.

Fréttir og fróðleikur

2008-01-13T18:16:00.000Z

This is day number 157 and you're 22 weeks pregnant!You have 123 days or 17 weeks left, and are 56.1% of the way there.Baby's age since conception is 143 days or 20 weeks.

Já, það er alveg hreint ótrúlegt að það séu ekki nema 9 vikur þangað til ég verð búin með þetta vettvangsnám og þar með allt námið mitt. Mér finnst reyndar enn skrítnara en það að ég sé gengin svona ótrúlega langt með litla krílið, á ekki eftir nema 17 vikur! Það er ekkert smá stutt síðan ég var bara ekkert að pæla í barneignum því ég var svo upptekin í skólanum en nú er allt að gerast og það í einu.

Litla krílið er algjör prakkari, sparkar í mig við hvert tækifæri og hefur alltaf verið á fullu í sónar. Við höfum ekkert fengið að vita um kn enda vita það flestir sem mig þekkja að ég hefði ekki tekið mark á því hvort sem er. Á jú tvo drengi sem voru stelpur í sónar. :O) Flestir eyða miklu púðri í að giska á og sannfæra mig um að þetta sé stelpa en ég hef bara ekki grænan grun og er alveg sama hvers kyns litla krúttið verður. Það er samt endalaust gaman að pæla í því og ég hlakka mikið til að sjá þetta nýja andlit.

Meðgangan og námið gengur fínt enda er ég í 10 vikna vettvangsnámi og það verður hugsanlega erfiðara með hverri viku héðan af. Ég er ennþá ótrúlega ekkert mjög ólétt og er enn undir þeirri þyngd sem ég var í þegar ég varð ófrísk, merkilegt nokk þá fæ ég engar skammir í þetta sinn í mæðraverndinni og það er munur! Ég er farin að hlakka all verulega til að klára allt og einbeita mér að framtíð og fjölskyldu og vildi bara að ég gæti skellt á fast forward. Hef bara verið hress þessa meðgöngu, hefur reyndar sjaldan liðið betur.

Skellti hér inn einni sónarmynd af krílinu, finnst það vera með minn prófíl, alla vega mínar litlu varir. :O)

En alla vega er allt yndislegt að frétta og allt gengur svo ótrúlega vel að ég bara hef ekki yfir neinu að kvarta. :O) Mússí múss.

Turner.

Tíminn flýgur

2007-11-20T14:59:00.000Z

Jamm gott fólk.
Það er satt sem fólk segir, þegar vel gengur flýgur tíminn. Þannig er það nú bara.
Er farin að vinna á Naustatjörn og líkar mjög vel, vinn 8:15-16:15 og er búin með heila 4 daga þar í dag. Er núna í námslotu í grunnskólafræði uppi á Sólborg og er ekki alveg að fíla það, vil heldur vera í Þingóinu mínu. En finnst þessir tímar ekkert nýtast mér beint mikið, þessi reyndar ágætur. Annars gengur allt vel og tíminn bara flýgur og ég er bara á einhverju bleiku skýi sem ég vil alls ekki að leysist upp á næstunni. :O)
Á tvö verkefni eftir sem ég reyndar sé varla hvenær ég á að vinna en þá er ég orðin grunnskólakennari. Svo vinn ég fram í byrjun janúar og fer þá í 10 vikna starfsnám á leikskóla sem ég ætti alveg að meika eftir allar hinar 10 vikurnar og rúmlega það sem ég verð þá búin með á Naustatjörn. Hlakka bara til framtíðarinnar og er hress!

Eftir viku er ég búin!

2007-11-08T14:37:00.000Z

Jæja elsku krúttin mín.
í dag var góður dagur, ég kláraði 70. kennslustundina mína!
Það hefur aldeilis verið frábært að kenna og skrítið að hugsa til þess að þetta sé að verða búið!
Maður á eftir að sakna allra barnanna og þessa frábæra starfsfólks sem er þarna í skólanum.
Allt hefur gengið prýðilega, fékk 9,5 í vettvangsnáminu og mín var bara mjög sátt við það.
Á miðvikudaginn í næstu viku, stuttu eftir hádegi, verð ég sumsé búin með æfingakennsluna. Þá tekur við nýja vinnan mín sem er á Naustatjörn. Ég er farin að hlakka mikið til og vona að það muni allt saman ganga prýðilega. Fyrir ykkur sem hafa áhuga hefur heilsan verið góð, maður er að verða aðeins blómlegri og spennan farin að gera vart við sig, en í raun hefur verið alltof lítill tími til að njóta sín ef svo má að orði komast. :O)
Það styttist sumsé í stóru atburðina alla og þeir verða í raun allir á tímabilinu maí-júní!
Jæja gæs, best að fara að nýta tímann sinn, ekki veitir af.
bið að heilsa.
Kveðja, Turner, to be Teacher.

Gaman gaman

2007-09-25T19:07:00.000Z

Jamm, ég hef skrifað hér inn að minnsta kosti 2 færslur sem ekki hafa skilað sér og ég hef orðið frekar pirruð í þau skipti og heitið sjálfri mér því að hætta að blogga....en það nær ekki lengra en það.

Nú styttist í æfingakennsluna og hjartslátturinn aðeins farinn að aukast, í orðsins fyllstu merkingu, en spennan er líka til staðar. Ég er samt alveg lost í því hvað ég á að kenna þessar 30 einstaklingskennslustundir en í sameiginlega kvótanum kennum við nöfnur saman í 4. bekk. Mjög skemmtilegur bekkur og það verður gaman að vinna með þeim.

Ég er nýkomin að sunnan úr hressu fertugsafmæli hjá Strúnu frænku og ég skemmti mér vel og slappaði af í ferðinni, tók í spil, hitti ástvini og keypti mér ullarkápu sem ég elska. :O)
En ég ætla að hafa þetta stutt í þetta sinn og krossa fingur að þessi færsla skili sér. :O)

Allar tillögur og góð ráð vegna æfingakennslunnar vel þegið! :)
Mússí múss, Turner.

Jæja góðir hálsar...og verri :O)

2007-08-13T20:10:00.000Z

Jamm, bara aðeins að láta vita af mér.
Ég er enn á lífi og vel það, endurnærð eftir frábært sumar sem hefur verið viðburðarríkt, vel nýtt, rómantískt og bara frábært á allan hátt.
Verð samt að segja að ég er meira en tilbúin að hefja haustið og klára námið mitt.
Nú er það loksins komið í ljós eftir endanlegan úrskurð Guðmundar Heiðars að bréf matsnefndar skuli standa og þá á ég bara eftir þessa einu önn og um áramót verð ég grunnskólakennari, en í janúar til mars fer ég svo í vettvangsnám, 10 einingar og útskrifast sem leik- OG grunnskólakennari í júní á næsta ári. Ég hlakka innilega til að klára þetta, en er örlítið stressuð að takast á við vettvangsnámið og æfingakennsluna, minnimáttarkenndin alltaf að stríða manni. Ég stefni hinsvegar á að standa mig úber vel og umfram allt reyna að njóta lærdómsríks tíma.
Skólinn byrjar sumsé á morgun og svo er það Oddak á mánudag giska ég á.

En mússurnar mínar, ég læt vita af mér oftar hér á síðunni í vetur en skrifin í sumar gefa til kynna! :O)
Óver end át, Turner.

Eurovision fegurð

2007-05-18T12:44:00.000Z

Já góðir hálsar, ætla að hafa þetta stutt í dag þar sem ég á deit eftir hálftíma við Golla þar sem hann mun tjá mér hvað í andskotanum kemur út úr þessu leikskóladæmi öllu saman.

Mússí múss, Turner.

Besta lagið í Euro í ár

2007-05-10T08:06:00.001Z

Já, merkilegt að ég skuli aftur, annað árið í röð falla fyrir lagi frá Úkraínu. Í fyrra dýrkaði ég og dáði lagið frá Tinu Karol, en í ár er það þessi yndislegi flytjandi sem ég er dáleidd af. Algjörlega frábært að gera grín að poppinu í dag á þennan hátt....og ef þetta er ekki grín er þetta jafnvel enn frábærara, lagið grípur og maður fær það á heilann. Síðast en ekki síst má geta þess að lagið er með þeim síðustu á svið. Go Ukraine!!!

X-Hvað

2007-05-08T11:24:00.000Z

Hæ aftur gott fólk.
Fyrir þá sem eru hikandi hvað þeir eigi að kjósa langaði mig að setja inn slóðina http://xhvad.bifrost.is/ en þar er að finna ótrúlega góða vél sem áætlar eftir þínum skoðunum hvaða flokki þínar hugmyndir um mörg stefnumál passa við.

Fyrir þá sem kæra sig um fékk ég til dæmis:

Stuðningur við Sjálfstæðisflokk: 0%
Stuðningur við Framsóknarflokk: 20%
Stuðningur við Samfylkinguna: 37.5%
Stuðningur við Vinstri-Græna: 62.5%
Stuðningur við Frjálslynda flokkinn: 31%
Stuðningur við Íslandshreyfinguna: 50%

Skoðanir þínar eru í mestu samræmi við skoðanir Vinstrihreyfingarinnar - græns framboðs!
Þeir sem þekkja mig vita hvort þetta sé í samræmi við það sem ég hafði hugsað mér að kjósa. :O)

Eurovision

2007-05-08T09:49:00.000Z

Ég skil ekki alveg þetta youtube post video dæmi. Var búin að reyna að posta myndbandi hér inn af laginu sem ég held með þetta árið, en eitthvað virðist hafa klikkað þó youtube lofaði mér að það birtist á síðunni von bráðar hefur ekkert gerst. En hvað um það, nú þegar prófin og lokaritgerðin eru frá, er tími til að gera allt og ekki leiðist mér það.
Löndin sem ég held með eru (tek fram að ég hef ekki heyrt mikið af lögunum sem eru í aðalkepnninni, utan eins):
Úkraína fyrst og fremst-æðislegt lag!
Georgia-líkt ray of light með Madonnu, en hvað með það?
Moldavía-kraftur, sterk og reið kona, flott lag
Svíþjóð-The Ark er með lag, mjög spes og maður fær það á heilann
Kýpur-er ekkert spes við fyrstu hlustun en vinnur á
Svo er eitt lag með ófríðri, skrítinni konu sem lítur karlmannlega út og verður skrítin um augun þegar hún syngur. Er með dökkt, stutt hár, lítil...man ekki landið, en lagið er fínt. (Er víst Serbía)
Svo verðiði að fletta Bellarus upp á youtube því söngvarinn er alveg eins og karlkyns Paris Hilton!! HAHAHA Og þið sem hafið séð leikritið Best í heimi ættuð að tékka á Bretlandi...
Hlakka svo rosalega til Júópartýsins, klippingar og fatakaupa sem karlinn hvatti mig í.
Mússí múss.
Kv. Stína.

Þetta er bara fyndið myndband

2007-03-22T09:06:00.001Z

Jamm, ég fann þetta líka flotta norska myndband með þessari hæfileikaríku söngkonu. Hún er aðeins að stela hugmyndum Pink, en hvaða máli skiptir það? Gott grín, eða ég vona alla vega að þetta sé grín! Haha.

Þetta finnst mér fyndið

2007-02-20T08:41:00.000Z

http://www.youtube.com/watch?v=eT8Amdt4QHs&mode=related&search=

Þetta minnir mig mjög mikið á litla frænda minn Karlsson, hann er með svona svipaðar hreyfingar og er alveg ótrúlegur orkubolti. Fær mig bara til að sakna hans meira... :(
En myndbandið.....algjör snilld.

Ég er á lífi

2007-02-08T17:06:00.000Z

Halló góðir hálsar og verri. Ég vildi bara blogga til að láta vita að ég er á lífi...ég er í vettvangsnámi á leikskólanum Hólmasól og hef það bara ansi fínt þó annir séu mjög miklar. En meira um það seinna, vildi bara gleðja ykkur með þeim fréttum að ég væri lífs en ekki liðin. :O)
Kveðja, Turner.

Jejejeje... :-)

2007-01-08T13:13:00.000Z

Jæja, allt líf virðist vera að komast í skorður í þessu pestarbæli. Bóndinn skreið í vinnu í dag, hefði eiginlega þurft að vera örlítið lengur heima bara hjá Stínu sinni. Gústa tókst að fá astma upp úr veikindunum sínum þannig að við erum víst farin að pústa hann aftur eins og í "gamla daga", en hann er bara hress með það og var ótrúlega svalur og flottur gaur þegar hann fór með pústið í skólann sjálfur. Hann fær líka að vera inni í dag og honum fannst það flottast af öllu. Mér fannst hann bara þurfa að vera inni eftir þetta allt saman, enda frekar löng veikindi í gangi.
Ég er að fara á fund á eftir vegna vettvangsnámsins á leikskóla. Það er orðið ljóst að ég mun fara á Hólmasól og leiðbeinandinn minn verður Arna, sem er alveg frábært. Að mínu mati ein færustu leikskólakennaranna, algjör eðall. :O) Hún sá um guttana mína fyrstu árin í þeirra skólagöngu. Þannig að ég er bara rosalega hamingjusöm og spennt, en pínu kvíðin samt. Það verður rosalega mikið að gera hjá mér og mínum næstu mánuði, ég verð í 21 einingu og þar af lokaritgerð sem mig langar að leysa eins vel af hendi og ég mögulega, mögulega get....og það er ekki auðvelt þegar maður er haldinn því sem sumir kalla fullkomnunaráráttu. En alla vega mússurnar mínar þá hlakka ég til að fara að sjá ykkur aftur og vona að ég nái að vera með ykkur í sem flestum tímum í janúar þó ég verði á Hólmasólinni líka.
Knús, Turner.

Gleðileg jól og gleðilegt nýtt ár elsku krúttin mín!

2007-01-03T14:48:00.000Z

Hæ hæ, skemmst frá því að segja að ég átti yndisleg jól í faðmi fjölskyldunnar og allt var eins og best var á kosið. Brói var svo hjá okkur á milli jóla og nýárs og það var eflaust besta gjöfin. Ælupestarpúkinn heimsótti okkur og hafa allir heimilismenn lagst fyrir djöflinum ef undanskilin er húsbóndinn á heimilinu....enn sem komið er. Áramótin hefðu orðið frábær ef allt hefði farið eins og það átti að gera. Ég var búin að vera heillengi að plana matarboð enda mamma og pabbi að koma til okkar, sjávarréttasúpa í forrét með humri, rækjum og hörpudisk...mmmm, heppnaðist frábærlega. Einiberjakryddað lambalæri pottsoðið í hvítvíni, rauðvínssósa og sætar kartöflur og ferskt salat í aðalrétt. Allt gekk vel...eldri sonurinn nýskriðinn upp úr tveggja daga ælu og niður og sá yngri með hana!! Á meðan við nutum lystisemda matarins dundu ælu- og sullhljóðin yfir okkur og gestgjafinn....ég....hélt um enni lasna barnsins og afsakaði mig aumingjalega. Það versta við þetta allt saman var þó það að ég sjálf þurfti að leggjast fyrir á meðan á skaupinu stóð og þaðan átti ég ekki afturkvæmt. Ég var komin með ælupestina líka og lá því uppi í rúmi þegar nýja árið gekk í garð, ég skalf og hristist og vældi úr beinverkjum. Þvílík byrjun. Hálftíma seinna skilaði ég svo af mér öllum góða matnum...verður sennilega í síðasta skipti sem ég borða sjávarréttasúpu....gúlp. Þessi áramót voru því eiginlega eins sorgleg og ömurleg og hægt væri að hugsa sér, fyrir utan matinn og félagsskapinn, sem var góður. :O)
En kannski er það satt sem sagt er....Fall er fararheill . . . verð að minnsta kosti að vona það. :O)
Takk fyrir gamla árið elsku krúttin mín, ég vona að þið hafið það gott.
Kveðja, Turner.

Jólin koma

2006-12-18T14:12:00.000Z

Já, það styttist svo sannarlega í jólin. Allt að verða klárt hér á bæ þannig séð.
Strákar fara í frí á miðvikudag og þá fer þetta allt að koma. :O)
Svo er skemmst frá því að segja að ég er loksins búin að skila handmenntinni af mér þannig að ég er í raun löglega komin í jólafrí. :)
Hef voðalega lítið annað að segja, ætla bara að skella hérna inn nokkrum myndum af mér í djúpum skít. :)
Eigið góðar stundir.
Kv. Turner.

Hrossaskítur soðinn

2006-12-13T13:38:00.000Z

Jamm, þá er helmingi pappírsgerðar lokið, hestaskítur var fengin gefins uppi í Breiðholti og skellt í pott, á hellu úti á svölum ásamt nokkrum uppþvottavélatöflum og soðinn í nokkrar klst. Ekkert smá hressandi að hræra í svona pottrétti! Jammí jamm, hahaha.
Afsakið bara ilminn sem lagðist yfir bæinn í gær. Svo á að klára að búa til pappírinn í dag og ég er ekkert smá spennt að sjá útkomuna. :-)
Býst við að senda ykkur svo jólakort úr þessum pappír, hahahahaha.
Nei nei smá djók, en pappírinn...hann er alvöru og vegna áskoranna mun ég setja inn nokkrar myndir af þessu skítlega ferli hér inn á næstunni.
Mússí múss, það styttist í jólin.
Kv. Turner.

Jólin nálgast óðfluga

2006-12-12T11:35:00.000Z

Já góðir gestir.
Skemmst frá því að segja að ég er lifandi. Ég er búin í þessu eina prófi mínu og það gekk mjög vel þrátt fyrir mikið stress, ógleði og ælu sem virðist vera orðinn almennur fyrirboði prófs hjá mér. Ég byrjaði prófdaginn á því að kúgast og kúgast og Brói sagðist alveg sjá að ég væri að fara í próf. Ég slapp þó við blóðnasir í þetta sinn.
Síðustu dagar hafa farið í að reyna að gera eitthvað á heimilinu, taka til, skreyta, hugsa um börn og dýr og bara almennan jólaundirbúning. Í morgun fór mikill tími að horfa á allar rásirnar sem við Brói keyptum (var reyndar nokkuð frítt í bili) og ég get ekki annað sagt en að ég hafi haft gaman af. Horfði á BBC food og lærði að gera Paellu, krabbakokteil og salatdressingu, en eini gallinn er sá að ég veit að ég mun aldrei nota skeljar, krabba eða svona risarækjur í skel í mat.
:-s
Gústi er búinn að vera veikur síðustu daga og Siggi er orðinn skólaleiður, sem er nú saga til næsta bæjar. En það sýnir það bara að þetta er alltof langur tími að mínu mati, ég meina, krakkarnir byrja í ágúst!

En jæja, áfram með smjörið.
Ég hef eytt heilmiklum tíma í að þæfa, er búin að gera alveg helling af fallegum hlutum, þetta kostar ekki neitt og er ekkert smá gaman að gera, mæli með þessu. Svo er ég búin að vera að vinna í vinnubók fyrir handmenntina sem styttist í að ég þurfi að skila. Svo lítur allt út fyrir það að skítapappír verði að veruleika í dag ef allt fer fram sem horfir!! Hlakka bara til jólanna og alls þess sem þeim fylgir og ég hlakka líka til vettvangsnámsins sem ég fer í í janúar.
Mússí múss, vona að þið hafið það gott.
Turner.

Lífið heldur áfram

2006-11-28T17:37:00.000Z

Jamm, ég vil byrja á því að afsaka þessi tæknilegu mistök sem urðu hér síðustu vikur....ég hef ekkert bloggað, vona að fólk veiti mér uppreisT æru og fyrirgefi mér.
Ég tók sumsé áskorun frá henni Heiðu gells og ákvað að blogga aðeins, veit samt ekkert hvað ég á að skrifa. Síðan ég skrifaði síðan hef ég lent í árekstri og skemmt bílinn hans pabba, skilað einu eða tveimur verkefnum, farið í leikskólaheimsókn, gert kvikmynd, valið ný gleraugu og keypt handa Gústa, keypt ný loftbóludekk undir bílinn, haldið áfram með handavinnuverkefnið mitt (á samt enn eftir að gera pappírinn úr skítnum fyrir forvitna), áttað mig á því að ég get allt sem ég vil, því ég lifði það af að halda fyrirlestur á ensku!! Jamm, þetta er svona nokkurn vegin það sem ég hef gert fyrir utan það að hugsa um bú, börn og Bróa. :O)
Ég er bara hress og hlakka til að klára öll verkefnin sem bíða svo ég geti farið að baka og skreyta, því krakkar það eru að koma jól!!!!
:O)
Kv. Turner

Minningargreinin mín

2006-11-12T09:55:00.000Z

Datt í hug að láta minn pistil fylgja hérna þar sem það hafa ekki allir aðgang að Mogganum.

Elsku hjartans amma mín. Það er svo ólýsanlega sárt að þú sért farin.
Ég varð þeirrar lukku aðnjótandi að fá að vera mikið hjá þér sem barn. Við gerðum allt saman, bökuðum brauð og kökur, gerðum morgunleikfimi, sungum og þú sagðir mér sögur. Síðast en ekki síst kenndirðu mér bænirnar og söngst þær oftar en ekki fyrir mig. Þú varst alltaf sú sem gast allt, mundir allt og vissir allt. Ég hlakkaði alltaf til að monta mig að eiga hana ömmu Lullu. Þú varst alveg ótrúleg amma í augum lítillar stelpu því þú fíflaðist mikið, varst mikill prakkari og þú kallaðir alltaf fram bros á vörum mínum. Þér fannst súkkulaðimolinn góður og varst algjör nautnaseggur og oftar en ekki speglaðist það í kaffiboðum hjá þér. Þegar þú bakaðir flatbrauð var sko engin lognmolla í kringum þig, þú söngst og trallaðir og varst oft með sígó í munnvikinu og dillaðir löppunum í takt við tónlistina. Þú varst mikið fyrir tónlist og byrjaðir snemma að spila og syngja fyrir aðra og það gerðirðu líka síðast þegar ég hitti þig. Þú söngst fyrir mig og mér leið eins og lítilli stelpu á ný. Heilsan og minnið hafði nefnilega gefið sig síðustu ár og það var voðalega sárt að sjá á eftir öllum sögunum sem þú mundir og bröndurunum. Síðast en ekki síst var erfitt að sjá þig ekki í þínu rétta umhverfi, í horninu inni í eldhúsi með sígó eða tvær í hönd hendandi mjólkurfernum í vaskann og oftar en ekki hittirðu. Þú varst alltaf svo vel til höfð og fín og varst í raun alveg jafn mikil dama og þú varst prakkari. Ég man eftir öllum varalitunum, kjólunum og höttunum sem ég fékk að máta sem lítil stelpa. Þannig er mín minning um þig og sú minning kallar fram ást, gleði og söknuð. Æji amma mín, þú varst svo ólýsanlega skrautlegur persónuleiki en það vita þeir sem þekktu þig best. Þú gafst mikið af þér, varst mikil barnagæla og við sem eftir stöndum erum svo miklu fátækari eftir að hafa misst þig og þitt skarð verður aldrei fyllt. Ég er þakklát fyrir að hafa fengið að kveðja þig og mikið var gott að strjúka ennið þitt og kinn þegar við sáumst í hinsta sinn.

Elsku amma mín ég elska þig og mun aldrei gleyma þér. Ég vona að þú syngir og trallir mikið á himnum með alla þína nánustu þér við hlið og ég vona að þú vitir hvað okkur þótti öllum vænt um þig.

Þín ömmustelpa Kristín Sigurðardóttir.

Svo er hér eitt alveg hrikalega fallegt ljóð sem mig langar að láta fylgja með.

Á þriðjung ævi þinnar hef ég séð
hvað þróttur mikill býr í huga þínum
sem örugglega ýmsum þáttum réð
um allt það besta er lenti í höndum mínum.
Ef stillast vegir, veröld mín og geð
þá varkár hönd þín vakir yfir sýnum;
Þó fjarlægð sýnist fylla heima mína
er fjarska gott að finna um hlýju þína.

Hljóðlega fór heilmikið á blað
af heilræðum sem frá þér voru valin.
Þau standa mörg sem mér fannst best við hlað
á mörgum slíkum var ég eitt sinn alinn.
Ef lítil þokuslæða læðist að
sem leggur sig svo hlýlega um dalinn
þá gleymast hvorki gullkorn þín né mildi
þau gefa lífi mínu aukið gildi.

Hallgrímur Óskarsson1967-

Falleg athöfn

2006-11-12T09:47:00.000Z

Jæja, þá er jarðarförin afstaðin og allir aðeins að skríða saman aftur. Kistulagningin var falleg og róleg. Séra Solveig er með svo ótrúlega róandi rödd og rólegt geð að það hjálpaði okkur hinum. Athöfnin fór fram í Möðruvallakirkju og var virkilega fín, Solveig var með góðan pistil um ömmu og í honum voru bæði broslegir hlutir og sorglegir. Kirkjukórinn söng í bljúgri bæn og hærra minn Guð til þín og það var virkilega vel heppnað hjá þeim. Ég man ekki eftir kórnum svona góðum áður. Amma kenndi mér einmitt í bljúgri bæn og við sungum það oft saman svo mér þótti vænt um að það skyldi fá að hljóma. Rósin fékk að hljóma í einsöng Óskars Péturssonar og líka nú andar suðrið. Hið klassíska blessuð sértu sveitin mín fékk líka að njóta sín og þetta var sennilega alveg eins og amma hefði viljað hafa það. Fullt af söng, grátri og hlátri og alveg stappað af fólki. Amma var nú alveg hrikalega félagslynd kona og hafði örugglega gaman að þessu öllu saman. Það voru ofsalega fallegar minningargreinar um hana ömmu og allar fönguðu þær persónuleika hennar vel. Amma mín er semsagt farin frá okkur endanlega en mér finnst huggun í því að ég geti þó heimsótt leiðið hennar, því hin amma og afi eru jörðuð í Hafnarfirði. :O)
Ég segi bara enn og aftur amma mín, hvíldu í friði, það er örugglega miklu fjörugra á himnum eftir að þú fórst þangað.
:O)

Hvíldu í friði elsku amma mín

2006-11-05T09:31:00.000Z

Með tárin í augunum segi ég amma mín að ég elska þig og þín verður sárt saknað....

Þú varst sannarlega engill í dulargervi..

Þín Kristín.

Að eiga ekki ömmu!

2006-11-01T10:23:00.000Z

Já, ég verð bara að segja það að lífið er ekki alltaf gott. Amma mín hún elsku Lulla (frá Hjalteyri) er orðin mjög veik og það lítur út fyrir að það styttist í að við fáum ekki lengur að njóta nærveru hennar hér á jörðinni. :(

Amma var alltaf sú sem mundi allt, gat allt og vissi allt! Og ef hún vissi það ekki kom hún samt með svar. Amma söng, fíflaðist, prumpaði og kallaði alltaf fram bros á vörum mínum. En það var á meðan hún hafði heilsuna. Síðustu árin og reyndar kannski aðeins fyrr fór hún að hætta að muna, þekkja og vita hver hún var í raun. Elsku amma mín talaði alltaf um að fara heim en í raun vissi hún ekki hvert heim var. Það er búið að vera erfitt að horfa upp á þetta ferli allt saman og ekki síst þar sem ég eyddi mestri barnæsku minni í hennar umsjá. Þá bökuðum við flatbrauð, kökur og gerðum graut. Ég fékk að skoða fötin hennar, leika mér með hattana hennar og það fyrsta sem ég gerði þegar ég kom til hennar var að setja litlu styttuna á snyrtiborðinu hennar saman. Hún hafði nefnilega brotnað einu sinni og ekki hafði neinn komið því í verk að laga hana. Mikið þótti mér vænt um að geta gert þetta fyrir hana ömmu mína. En nú get ég ekkert gert fyrir hana, hún liggur bara brotin, lítil og aum uppi í rúmi og bíður örlaga sinna.
:O(
Ég get ekki líst því hvað mér þótti sárt í gær þegar ég fór til hennar, að sjá hana liggja þarna eina og enginn hjá henni. Enginn hélt í höndina á henni og enginn söng fyrir hana, en það var það sem hún gerði alltaf fyrir mig! Ég strauk henni og hún horfði á mig, ég kyssti hana og strauk, hélt í höndina á henni og talaði við hana. Hún reyndi svo greinilega að bregðast við en það eina sem hún gat gert var að raula lítið lag sem hljómaði líkt og bernskusöngur. Hún elsku amma mín er því sennilega að yfirgefa þennan heim og það er alveg jafn sárt og í gær þegar ég fór í raun til að kveðja hana. Ég þoli ekki þá staðreynd að ég hef þá misst 2 ömmur á 15 mánuðum!! Það er heldur ekki sanngjarnt að ömmur mínar hafi farið á svona langan, erfiðan hátt. Þá hefur sennilega verið illskárra að hann afi minn fékk að losna undan kvöð síns sjúkdóms fljótt og án sársauka árið 2000, degi eftir að ég ól yngri son minn.
Þegar hún amma mín kveður þennan heim á ég enga ömmu og ömmur mínar voru og eru sko engar smá manneskjur, ég er ekki viss að ég hafi fyrr eða muni seinna fyrirhitta aðrar eins manneskjur. Hann afi minn var líka svona stór persóna, ég sakna ömmu og afa og mun sakna þessarar ömmu minnar alveg hrikalega sárt líka.
En ef það er eitthvað sem maður lærir af þessari reynslu þá er það það að lifa lífinu á meðan við höfum tækifæri til og að bera virðingu fyrir ÖLLU lífi óháð í hvaða mynd eða ástandi það er.
En á meðan hún amma er hér á jörðinni vona ég að hún haldi áfram að syngja og ég vona að þegar hún ákveður að fara til allra á himnum muni hún geta sungið, dansað og fíflast eins og hún gerði á meðan hún lifði.
Kv. Stína sem er einhvernvegin sár.....

Alltaf gott að læra eitthvað nýtt

2006-10-27T12:12:00.000Z

Já, stelpur, það er engu líkara en að hér sitji ný manneskja!
Þannig er mál með vexti að ég held að ég hafi frelsast, fengið vitrun eða hvað þið viljið kalla það.
Ég fór nefnilega á opið hús í morgun á Hólmasól sem er nýr leikskóli hér í bæ.
Áður en ég fór hafði ég alveg áhuga á hjallastefnunni og fannst spennandi að kynna mér hana en þegar ég var búin að standa þarna í hálftíma og varð vitni að söngfundi var ég algjörlega sannfærð um að þetta væri málið!
Ég hef aldrei fengið svona tilfinningu áður, verð bara að segja vá!! Ég keypti þessa stefnu og þetta starf algjörlega af heilum hug og stóð í raun bara agndofa og horfði á þessa frábæru enstaklinga, bæði börn og starfsfólk og það eina sem ég hugsaði með mér var: af hverju var ekki svona leikskóli þegar strákarnir voru yngri? Þarna sátu börnin og sungu um vináttuna, fengu að njóta sín einstaklingslega og sungu lög með texta sem skipti máli! Lög Jóhannesar úr Kötlum í staðinn fyrir Í leikskóla er gaman! Aðspurð um þennan mun svaraði Magga Pála að láta börnin syngja það síðarnefnda væri bara morð og að börn væru engin hálfvitar heldur fyllilega viti bornir einstaklingar sem væru bara mjög gáfaðir. Frábært!
Hjallastefnan virkar á mig eins og hún sé það eina rétta, það rétta og hreina í samfélagi sem er það kannski ekki. Það er unnið af heilum hug með hana og allir eru frábærir! Sjálfsstyrking á sér stað öllum stundum og einstaklingarnir viðurkenndir sem hugsandi, gáfaðir og yndislegir, hvort sem um ræðir stelpur eða stráka. Magga Pála benti okkur til dæmis á að strákar á Hjallastefnuskólum væru duglegri í söng en ef kynjablandað væri og stelpurnar þornari og ófeimnari. Þetta var sýnilegt á fundinum í morgun. Þarna leiddust kynin niður tröppurnar, tvö og tvö í einu og báru virðingu hvort fyrir öðru. Þau sýndu virðingu með því að horfast í augu og viðurkenndu tilvist hvors annars á annan hátt en áður. Þetta er alveg málið og svei mér bara ef ég er ekki orðin bara frelsuð. Í það minnsta bauð Magga okkur að mæta í vettvangsnám og bauð okkur bara velkomnar og mér finnst ekki spurning um að hreinlega bara taka því!! Og ég get ekki sagt annað en að ég sé yfir mig spennt yfir því. Ég vona bara að fleiri en ég geti upplifað svona fund því ég held að enginn manneskja efist um ágæti þessarar stefnu eftir slíkt og þvílíkt.
Takk fyrir. Törner Hjalli.

Helló ðer pípúl

2006-10-24T14:45:00.000Z

Jamm, ég fékk alveg hreint hláturskast í enskutíma í dag þar sem mér varð hugsað svo innilega til hennar Valgerðar Sverrisdóttur, sem er nota bene UTANRÍKISRÁÐHERRA og framburðar hennar. Ég skil ekki að þessi kona fái að gegna þessu embætti þar sem ég er þess fullviss að flestallir íslendingar gætu borið ensku betur fram en hún. Ég er ekki að meina þetta neitt illa eða þannig, konan er örugglega hin ágætasta, en að mínu mati þarf utanríkisráðherra að kunna að tala á erlendu tungumáli. Þessi umræða kom aðeins upp í enskutímanum áðan og mig langaði að koma aðeins inn á hana hér. Annars er voðalega lítið að frétta, hef verið annaðhort heima að gera allt eða í verkefnavinnu . Hlakka ekkert smá til þegar karlinn hættir á þessum vöktum og ég endurheimti krafta hans. Sé vel núna hvað hann hefur gert mikið hér heima! Og sé eftir að hafa alltaf verið að nuða í honum að hann gerði of lítið!
Hann er nú meiri elskan.
Af strákum er lítið að frétta, þeir stækka og þroskast sem aldrei fyrr, hélt reyndar að Siggi gæti ekki vaxið meira, en það var nú bara vitleysa.
Þessir dagar fara mikið í að tala við börnin, lesa, læra og reyna að tala við minn elskulega eiginmann sem reyndar týndi hringnum sínum þannig að hjúskaparstaðan er kannski ekki örugg. :O)
Vá, ég veð úr einu í annað.
Ég sakna ömmu, vildi að í sólarhringum væru 60 klukkustundir og mig langar ekki að mæta allri vinnunni sem næsti mánuður hefur í för með sér....
:)
Kveðja, Stænerinn.

Tveir í anda Turnersins!!

2006-10-19T17:48:00.000Z

Fjölskyldan sat við matarborðið á sunnudagskvöldi.
"Pabbi, hvað eru margar gerðir af kvenmannsbrjóstum til" ? Spurði sonurinn allt í einu.
"Þær eru þrjár, sonur sæll.
Þegar að konan er á þrítugsaldri eru brjóst hennar eins og melónur, kringlótt og stinn.
Á fertugs- og fimmtugsaldrinum
eru þau eins og perur, enn falleg er farin að lafa svolítið.
Þegar að konan er komin yfir fimmtugt þá má líkja brjóstum hennar við lauka."
"Lauka" ? "Já, þú horfir og þú grætur" !

Smáþögn.
"Mamma, getur þú sagt mér hve margar tegundir ef tippum eru til" spurði dótturin.
Mamman brosti, leit á eiginmann sinn og sagði:"
Maðurinn gengur í gegnum þrjú stig.
Þegar að hann er á þrítugsaldri er limur hans eins og eik, öflugur og harður.
Á fertugs- og á fimmtugsaldri er hann eins
og birki, sveigjanlegur en traustur og þegar að hann er kominn yfir fimmtugt má líkja honum við jólatré!"
" HA, jólatré ?"
" Já hann þornar hratt upp og kúlurnar eru bara til skrauts.
-------------------------------------------------------------------
Nonni litli opnaði dyrnar að hjónaherberginu og sá að pabbi lá á bakinu og mamma hossaði sér uppi á honum. Um leið og mamma kom auga á Nonna hætti hún, klæddi sig og fór fram. Þegar Nonni sá hana sagði hann " Hvað voruð þið pabbi eiginlega að gera? " Ja, þú veist hvað hann pabbi þinn hefur stóran maga ... og ég þarf stundum að hjálpa honum við að fletja hann niður! " sagði mamma. " Það er algjör tímasóun hjá þér " sagði Nonni litli og brosti. " Af hverju segirðu það " spurði mamma ringluð. " Af því að alltaf þegar þú ferð á Glerártorg á fimmtudögum þá kemur konan í næsta húsi, fer niður á hnén og blæs pabba upp aftur!"

Muhahahahaha.
Kv. Stæner

Læf iss læf

2006-10-12T14:35:00.000Z

Jamm, satt er það eða þannig. :O)
Lífið flýgur áfram og þessi önn verður örugglega búin áður en ég veit af hreinlega! Ég er að reyna að vera voða dugleg núna þessa stundina og verð að segja að mér tekst bara ágætlega upp (fyrir utan þessa tímaeyðslu að vera að blogga). Ég þarf að klára íslenskuverkefni 1200-1500 orð um stam, tvö verkefni í leikskólafræði bíða þess að byrjað sé á þeim, þau fjalla reyndar bæði nánast um sama hlutinn. Nú, svo er það enskan en honum Rafni gengur ágætlega að smita mann af áhuga og fær mann til að gera ólíklegustu hluti, þar á meðal að vinna hálfgerða sjálfboðavinnu.
En já, tíminn flýgur og strákar og karl hafa það gott, karlinn vinnur myrkranna á milli og ég sé hann hreinlega ekki neitt, nema rétt til að kyssa hann góða nótt á kvöldin þegar ég fer að sofa og hann að vinna!
Strákarnir eru duglegir í skólanum og eru báðir rosa lestrarhestar. Siggi kom heim eins og sól í heiði um daginn og tjáði mér að hann hefði verið í lestrarprófi og hann hefði klárað blöðin! Þetta gerði samtals 326 atkvæði, sem reyndar segir mér ekki neitt nema að það sé mjög gott, að minnsta kosti af brosinu hans Sigga að dæma. Gústi er samur við sig, því miður gengur ekkert voða vel að eignast svona einhvern einn vin sem þýðir að hann er enn voða mikið með strákunum stóru, Sigga og Sponna og co, en það er allt í lagi svosem, á meðan hann hagar sér eins og maður. Í skólanum er Gústi kominn með passa á bókasafnið þannig að hann má bara fara til Svanfríðar hvenær sem er og stimpla sér bók til útláns, ég fékk að fara með honum þangað í dag og hún kallaði hann lestrarhestinn. :O)
Þannig að hlutirnir gætu ekki gengið betur, ja, nema ef ske kynni að ég fengi að hitta manninn minn annað veifið. :o s Verð bara að horfa á þennan hérna á meðan...

Svo styttist bara í nóvember með öllum sínum 5 aukaeiningum! Þannig að það er best að koma sér að verki people!!
Kveðja, Stæner Turner.

Svona er eðlisfræði nú margbreytileg og skemmtileg . . :O)

2006-10-07T16:40:00.000Z

Það sem fer hér á eftir er spurning sem sett var fram á miðvetrarprófum í efnafræði við University of Washington háskólann. Svar eins nemandans var svo stórkostlegt að prófessorinn ákvað að leyfa öðrum að njóta þess.

Aukaspurning: Gefur helvíti frá sér hita eða tekur helvíti til sín hita. Flestir nemendur settu niður staðhæfingar og reyndu að sanna niðurstöður sínar með tilvísun í lög Boyles sem segja að gas kólni undir minkandi þrýstingi en hitni undir auknum þrýstingi. En einn nemandi skrifaði eftirfarandi:

Í fyrsta lagi þurfum við vita hvernig massi helvítis breytist í tíma. Þess vegna þurfum við að vita tíðni þess að sálir fari inn í helvíti og tíðni þess að sálir fari úr helvíti. Ég tel þó að við getum gengið út frá því að ef sál fer einu sinni inn í helvíti þá kemur hún ekki út aftur og þar með sleppi engar sálir úr helvíti.

Hinsvegar til að áætla hversu margar sálir fara inn í helvíti er rétt að skoða mismunandi trúarbrögð í heiminum í dag. Flest þessarar trúarbragða halda því fram að ef þú ert ekki hluti af þeirra trú, þá farir þú til helvítis. Þar sem það eru fleiri en ein trúarbrögð í heiminum og þar sem fólk tilheyrir ekki fleiri en einum trúarbrögðum í einu, má ganga útfrá að allar sálir fari til helvítis. Miðað við tíðni fæðinga og dauða eins og það er í dag má reikna með að sálum í helvíti fjölgi með ógnarhraða.

Nú skulum við líta á breytinguna á stærð helvítis, því lög Boyles segja að til þess að hiti og þrýstingur í helvíti haldist sá sami, verður stærð helvítis að stækka í samræmi við fjölda sálna sem bætast við.

Þetta gefur okkur tvo möguleika:

1. Ef helvíti er að stækka með minni hraða en tíðni sálna sem bætast við þá hlýtur hiti og þrýsingur að hækka þar allt fer til helvítis.

2. Ef helvíti er að stækka hraðar en aukning sálna sem inn í það fer, þá hlýtur hiti og þrýstingur í helvíti að minnka þar til helvíti frýs. Þannig, hvort er það? Ef við skoðum staðhæfingu sem Jane bekkjasystir mín setti fram við mig þegar ég var í fyrsta bekk: "Það verður frost í helvíti áður en ég sef hjá þér", og ef tekið er tillit til þess að hún svaf hjá mér í gærkvöldi þá hlýtur númer 2 að vera svarið.

Þannig að ég held því fram að helvíti gefi frá sér hita og sé í reynd þegar frosið. Hin hliðin á þessari tilgátu er að þar sem helvíti er þegar frosið og taki ekki við fleiri sálum, þá er eini valkosturinn sá að allar sálir fari til himna og sanni tilvist eilífrar sæluvistar, og það útskýrir að í gærkvöldi sagði Jane hvað eftir annað við mig "Ó guð, Ó guð".

Þessi nemandi var sá eini sem fékk A.

Til hamingju!

2006-09-30T20:35:00.000Z

Jamm, mín komin heim úr brillupinu. Var ótrúlega gaman og ekki síst rómó. Mín var voða dugleg og þuldi upp ræðu um vinkonuna kæru.
Langaði bara að skella inn mynd hér fyrir forvitna af brúðhjónunum.
Gunna Vala og Talon.

Smá bögg

2006-09-26T17:13:00.000Z

Lést þegar bifreið varð fyrir lest

Karlmaður í Yorkshire í Bretlandi lést þegar hann missti stjórn á bifreið sinni, ók í gegn um öryggisgrindverk og stöðvaðist á lestarteinum. Lest sem kom eftir teinunum á um 160 kílómetra hraða ók svo á bílinn með þeim afleiðingum að hann lést. Lestin sem var á vegum fyrirtækisins Virgin ók út af sporinu, og þykir furða að hún hafi haldist upprétt. Enginn sem í lestinni var meiddist. Ekki er vitað hvað olli því að ökumaðurinn missti stjórn á bílnum.

Ef lesin er byrjun fréttar þá er spurning um það hver lést: maðurinn sem var í bílnum eða bíllinn sem varð fyrir lestinni. Mér finnst bara stundum ansi skondið að það er eins og enginn lesi yfir fréttir lengur, hvorki stafsetningu né efnislegt innihald þeirra.
Ja, maður spyr sig hvort þetta sé það sem koma skal. :O)

Sagan hermir að...

2006-09-25T15:10:00.000Z

Þetta sé uppskriftin að snúðum eins og fást í Gamla bakaríinu á Ísafirði...sel það ekki dýrara en ég keypti það!

:O)

Þessi gerir 12 stóra snúða.

Snúðadeig:

235 ml heit mjólk (45°C)
2 egg (við stofuhita)
75 g bráðið smjörlíki
615 g hveiti
5 g salt
100 g sykur
10 g ger

Fylling í snúðana:

220 g púðursykur
15 g kanill
75 g smjör

Kremið:

85 g rjómaostur
55 g mjúkt smjör
190 g flórsykur
3 ml vanilludropar
0.8 g salt

--------------------------------------------------------------------------------
Svona skal gera:
Skella öllu efninu saman í skál og hræra saman, t.d. í hrærivél eða bara í höndunum. Láta deigið svo hefast þar til það hefur tvöfaldast að stærð, það tekur ca 40 mín eða svo.
Þá skal skella því á borðið og fletja út í ferhyrning. Hann er ca 50 cm X 40 cm eða svo. Breiða svo yfir og leyfa því að jafna sig í svona 10 mín.
Til að gera kanilsykurinn á snúðana er best að bræða smjörið, setja það svo í skál með púðursykrinum og kanilnum og hræra vel saman og dreifa svo yfir degið. Rúlla öllu upp eins og snúðar eru gerðir(!) og best er að skilja eftir smá rönd þar sem maður hættir að rúlla deginu til að líma endann fastan. (Með smjöri eða olíu)
Hita ofninn í 200°C og skera snúðana niður. Þetta gerir ca 12 snúða (stóra). Skella snúðunum á plötu (á bökunarpappír) því kanilsykurinn bráðnar út um allt! og breiða yfir og leifa þeim að hefast í 30 mín í viðbót. (Trúið mér það er þess virði!)
Skella snúðunum svo í ofninn og baka þar til þeir eru gullinbrúnir. Það tekur svona 10-15 mín. (Passa að hafa þá alls ekki of lengi) Á meðan þeir eru að bakast búa til kremið ofan á þá. Best er að bræða alveg smjörið og mýkja rjómaostinn samanvið og setja svo flórsykurinn, vanilludropana og saltið útí og hræra vel. Skella svo kreminu á á meðan þeir eru heitir svo það bráðni og borða með bestu lyst!

Kveðja úr Snægilinu þar sem er verið að....læra.
Turner.

Hahahahahaha

2006-09-20T15:30:00.000Z

Þetta kom einu sinni fyrir hana móður mína í alvörunni, nema þá var hún að prófa nýviðgerða skellinöðru sem pabbi var að laga fyrir bræður mína! Hún prjónaði og hélt sér á hjólinu nokkuð lengi þar til hún endaði á sama hátt og þessi ágæta kerling. Gleymi því aldrei!
http://kvikmynd.is/video.asp?land=&offset=9&id=2512
Eins og flestir geta ímyndað sér kom hún ekkert voðalega kát heim og síðan hefur verið gert grín að henni út af þessu. :O)
Kv. Turner.

Allt að gerast. :O)

2006-09-20T15:01:00.000Z

Jamm, fyrsta verkefnið í leikskólafræði við það að fara úr húsi og held ég bara að það hafi gengið aldeilis ágætlega. Mér hefur bara verið að ganga ágætlega í þessu öllu saman en framundan eru núna ansi strembnir tímar. Þannig er mál með vexti eða vöxtur á máli að maðurinn minn, hann Brói, er að fara að vinna eins og maniac næsta mánuð. Hann mun vera bæði á dag- og næturvöktum í sömu andrá og því nýta allan "aukatíma" sem hann hefur til svefns, ráðagerða og áts. Þannig standa öll spjót á mér að vera einstæð móðir í mánuð! Ég hlakka ekki alveg til, en læt mig þó hafa það. Þarf reyndar að þjóna honum eitthvað þannig að ég verð eins og einstæð móðir með hjásvæfu sofandi inni í herbergi. Svo í næsta mánuði er ég í tveimur kúrsum sem báðir telja samtals 5 einingar, sem kenndir eru í lotu. Þannig að þá verður fjandinn laus. En á einhvern furðulegan hátt þá hlakka ég bara ótrúlega mikið til. Þann 30. september er ég svo boðin í brúðkaup! Í fyrsta sinn síðan ég varð fullorðin! Og það er hjá henni elskulegu vinkonu og frænku Gunnu Völu. Ég hlakka til en veit ég mun gráta. :O)
Heyrumst.Turner.

Ég er enn ung!!

2006-09-12T17:31:00.000Z

Ahhh, ég dreg andann djúpt, lít til himins og hugsa með mér að þennan dag sé ég enn ung.......
Hvað morgundagurinn ber í skauti sér er annað mál.
Love to my peeps.
Turner.

Magni-ficent

2006-09-06T20:08:00.001Z

Jæja, elskurnar mínar, ég var sátt við að Magni kæmist í úrslit, en ég hefði viljað sjá Dilönu fara heim frekar en Storm!
Magni "frændi" eins og pabbi segir er orðinn mörgum hér á klakanum kunnugur. Sér í lagi okkur sem höfum lagt það á okkur að kjósa hann á öllum tímum sólarhringsins. :O)
En nú leita ég til ykkar ættfróða fólk til að segja mér: Er MAGNI-FICENT eitthvað skyldari mér en konan sem vinnur í bakaríinu eða búðinni?

Kv. Turner.

Æ EMM VERRÍ ONNLÆN!

2006-09-06T09:20:00.000Z

Já, hver hefur ekki upplifað svona moment í tölvunni sinni?
Ja, maður spyr sig!
:O)

Var að eignast kort í Leikhúsið!

2006-08-31T16:45:00.000Z

Jamm, mín var að enda við að kaupa sér kort í leikhúsið! Kortið gildir á 4 sýningar og var ekki á nema 3950 krónur sem er baaaara gjafverð. Við Sulturnar keyptum okkur flestallar og ég hlakka svo mikið til að fara í leikhús, finnst það algjör draumur. Gústi og Siggi viðruðu þá hugmynd sína að fá að fara á Karíus og Baktus og það er bara aldrei að vita! Fæ nefnilega 500 kr. afslátt af hverjum miða og það kostar minna á þá sýningu en aðrar þar sem hún er hálftíma löng.:O)
Er annars búin að vera dugleg í dag, Siggi minn lasinn heima, Gústi í skóla til eitt. Ég sauð slátur í hádegismat, gerði hafragraut í morgunmat og gaf þeim kakó og kex í kaffinu! Algjör fyrirmyndarmamma bara. Ég er líka byrjuð á einu verkefnanna sem búið er að setja mér fyrir í leikskólafræðinni og fjallar um foreldrasamstarf. Svo er ég búin að velja mér efni og finna heimildir í aðra ritgerð. Já, lífið er gott þegar maður er duglegur!

Kv. Turner.

Litla móðurhjartað...

2006-08-29T13:13:00.000Z

Já, það er ekki laust við að lítið móðurhjarta slái svolítið hratt þessa dagana eða jafnvel missi úr slög! Þannig er mál með vexti að litla barnið mitt er byrjað í grunnskóla. Það gengur mjög vel og allt það en í dag er hann í vistun í fyrsta skiptið og sennilega er það ekki hann heldur ég sem þarf að venjast því! Ég er bara svo vön að hafa börnin mín innan seilingar, sér í lagi eftir sumarið. Ég leiddi einmitt hugann að því þegar ég fylgdi þeim yngri í skólann fyrsta skóladaginn að ég væri að fylgja honum áleiðis sinn fyrsta dag af kannski 20 ára skólagöngu!! Það er spennandi hugsun og allt það en þegar við höfum þessi litlu kríli í höndunum finnst okkur oft eins og tíminn standi í stað þangað til við allt í einu stöndum frammi fyrir því að þau eru að stækka. Við hins vegar stöndum stundum í stað! :O)
Horfum á eftir þeim og höldum að þau geti ekki lifað án okkar þó því sé einmitt öfugt farið...við getum ekki lifað án þeirra.

Ég er líka sest á skólabekk og það er alveg yndislegt. Ég er á leik-og grunnskólabraut og er í 2 leikskólafræðiáföngum, annar snýst að mestu um stefnur, strauma, leik- og leikþroska barna og hinn um foreldrasamstarf. Spennandi! Svo ákvað ég líka að skrá mig í margmiðlun hjá Eygló Björns, sem er eflaust skemmtilegur og ekki síst lærdómsmikill áfangi. Enska er eitthvað sem mig langaði alltaf að taka og tók núna og svo tók ég líka spennandi handmenntaáfanga þar sem við lærum meðal annars að búa til leikbrúður og fleira sem ætti að nýtast beint í kennslu, hvort sem er í leikskóla eða yngsta stigi grunnskóla og jafnvel lengur!
Ég er á lífi og líður alveg yndislega, en það er þó örlítið hjarta innan í mér sem skelfur pínu og það er móðurhjartað milda. :O)

Nóg að gera þótt kaupið sé lágt

2006-08-16T19:37:00.000Z

Já, þessa frábæru setningu á hann Brói minn, segir hana í tíma og ótíma, sér í lagi þegar ég kvarta yfir að það sé alltof mikið að gera. Héðan er allt frábært að frétt, ég byrja í skólanum 28. og það lítur út fyrir að ég verði ekki í nema 21 einingu þannig að það verður ekki alveg eins mikil geðveiki í gangi og stefndi í, en þó nóg að gera. Ég er búin að vera að læra fyrir námssálarfræðina síðustu daga og það gengur fínt, man alveg ótrúlega mikið ennþá, enda var það hún Sigrún okkar yndislega Sveinbjörnsdóttir sem kenndi námssálarfræðina. Þessi kona er náttúrulega bara eðalmannsekja, svo góð og ljúf og algjört rassgat eins og við sögðum stundum um hana stöllurnar. Svona kennara á bara að fjöldaframleiða hún er svo mikill gullmoli. En já, nóg um það. Síðustu daga hef ég átt í heilmiklum vanda með yngri son minn. Þannig er mál með vexti að hann er að missa tennurnar, hann er búinn að missa tvær, neðri framtennurnar og búinn að fá þar tvær risa glænýjar í staðinn. Það er ekki málið, heldur er hann svo logandi hræddur við blóð og mikil kveif að það má ekki snerta tönnina! Svo þarna lafir hún laus og það er búið að reyna bókstaflega allt, múta, kaupa, bjóða, ljúga, hóta og svo má lengi telja. En tönnin er heilög og hana skal ekki snerta! Annað mál með þann eldri þar sem hann sér sér hag í að slíta þær úr þar sem tannálfurinn hafði verið svo vænn að gefa honum 500 kall fyrir þá síðustu. Já, þeir eru ekki líkir gaurarnir. Ég er búin að versla allt skóladót fyrir gaurana, á bara eftir að kaupa eitthvað sem heitir klemmuspjald og ég held að sé svona plastmappa með klemmu til að nota til útivistar eða rannsókna. Eins og hagsýnni húsmóður sæmir hef ég verið að safna í sarpinn og verið að eltast við þessi krónu tilboð öll saman og sloppið bara svona helv.... byrlega. En jæja, best að fara að skella í brauðvélina mína yndislegu og hugsa um frábæru gaurana mína alla 3. Svo er bara ættarmót í Löngumýri næstu helgi þar sem við munum bara chilla í sundlauginni og öllum 20 og eitthvað herbergjunum sem eru þar. Og ég hlakka svo til!!!!!!!!!!!!!! Bið að heilsa ykkur öllum saman elsku krúttin mín. Ohhhh hvað ég sakna sultanna minna allra... :O(

Tími á nýjar fréttir....

2006-08-11T08:29:00.000Z

Já, hellú þið sem enn hafið þolinmæði til þess að lesa þetta blogg sem er misvel uppfært. Allt gott að frétta héðan, búin að fara í smá ferðalög og svona sem fylgir sumrinu en mestmegnis hef ég verið heima með strákunum mínum og bara haft það ógó næs. Barnaafmælin hafa verið tvö og mikil hamingja sem fylgir þeim, Gústi orðinn sex ára og Siggi átta! Stundum finnst mér ég vera orðin rosalega gömul og farin að hægjast í tíðinni en svo koma svona moment líka sem ég finn að ég er ennþá sama fíflið og fyrr. Skólinn fer að byrja og ég á eftir að fara í eitt ágústpróf, próf sem ég bara geymdi á sínum tíma til að einbeita mér að eví og stæ. Ég hlakka svo til að byrja í skólanum en ánægjan er óttablandin þar sem ég mun ekkert vera með mínum yndislegu sultum ;O)
Ég mun líklega vera í sirka 26 einingum því ég er bæði að taka leik-og grunnskólakennarann svo það verður nóg að gera en það er svosem ekkert verra að hafa nóg fyrir stafni.
Kem kannski með smá fréttir og myndir hér inn á næstu dögum, meðal annars frá versló, en nú ætla ég að halda áfram að lesa fyrir námssálarfræðina góðu. Mússí múss, Turner.

Sumarið er tíminn

2006-06-21T11:52:00.000Z

Já krakkar, sumarið er tíminn.
Guttarnir eru á fótboltaæfingum hjá ÞÓR alla virka daga frá 10-12 og þann tíma hef ég notað til lesturs og vinnu við lokaritgerðina mína. Það gengur bara ágætlega alveg hreint. Það sem er helst af mér annað að frétta er það að ég fór í killer partý á Moldhauga 16.júní en þar var húsbóndinn sjálfur með 50 ára afmæli og allt sem því fylgir. Ég gaf karlinum uppblásna dúkku í netsamfestingi í afmælisgjöf, en stúlkan sú var með göt alls staðar...samt lak ekkert loft úr henni. :O) Það var svo gaman að djamma á Moldhaugum á ný og það með henni Siggu minni....sem ég sakna alltaf meira og meira.
Það var hrikalega gaman þó dagurinn á eftir hefði ekki verið eins hress. En ég ætla ekki að fara út í þá sálma hér....
Ég er alltaf að jafna mig meira á því að hafa ekki tekið raungreinaprófin en fylgist samt náið með einkunnunum úr þeim.
Ég hef líka ákveðið að taka leikskólakennarann með grunnskólakennaranáminu og ef allt gengur þá sem skyldi útskrifast ég sem bæði leik- og grunnskólakennari í júní '08. (Verð samt orðin grunnskólakennari um áramótin '07 '08.) Ég er bara farin að hlakka til og ég hef það ógisslega næs þessa dagana. Er að fara í grillpartý næstu helgi til hennar Heiðu minnar sultu og svo fara öll júlí afmælin að taka við, þar á meðal stórafmæli karlsins þann 25.
En lifið heil....því það geri ég.

Kv. Turner.

Vonbrigði lífs míns!! :(

2006-05-19T09:31:00.000Z

Já, sumir segja að maður eigi að hafa trú á sjálfum sér og stundum virkar eins og það eitt og sér nægi til að gera hvað sem er! En í vikunni komst ég að því að það er ekki satt. Ég virkilega trúði að ég myndi ná eðlisfræði 2, en svo var ekki. Ég náði ekki heldur stæ þannig að ég sit bara hérna í sárum. Ég mun ekki ná að taka 2 upptökupróf og ná báðum, þannig að það er ekki einu sinni til neins að ná öðru þeirra því það myndi ekki fleyta mér neitt, nema kannski bæta egóið. Ég yrði einnig rúmum 30000 kr. fátækari. Eftir að hafa velt öllum mögulegum flötum á málinu fyrir mér og eftir að hafa tekið að því er virðist endalaus upptökupróf og lært margoft fyrir sömu prófin hef ég komist að þeirri niðurstöðu að ég bara gefst upp! Og það er ekki aumingjauppgjöf, það vita þeir sem þekkja mig að ég er búin að berjast, en nú er bara að ákveða það gáfulegasta í þessari ömurlegu stöðu. Eftir að hafa ráðfært mig við Braga brautarstjóra lappaði hann upp á sjálfstraustið og fannst ég vera dugleg. Hann ráðlagði mér að fá mig metna inn í nýja kerfið, sem þýðir það að ég mun ekki útskrifast með bestu vinkonum mínum sem mér þykir svo ógurlega vænst um. Ég mun heldur ekki komast í æfingakennslu í haust, sem ég hafði þráð svo mikið. Ég bregst vinkonum mínum og ekki síst sjálfri mér. En stundum verður bara að kyngja svona hlutum og gera það gáfulegasta í stöðunni. Mér mun seinka um eina önn og útskrifast (ef ekkert meira kemur upp) í desember 2007, en ekki í maí það sama ár. En aftur á móti er ég þá örugg áfram, ég mun ekki þurfa að reyna við fjendur mína aftur og mér mun líða betur. Ég vildi ekki velja þessa auðveldu leið, en það er ekkert annað í boði.
Ég er loksins orðin sátt við þessa ákvörðun, sem var tekin að vel athuguðu máli og mörgum tárum felldum. Að lokum langar mig bara að segja að mér þykir þetta svo innilega sárt og leitt og vona að enginn líti niður á mig fyrir að velja þennan kost í stöðunni. Fáir geta sett sig í þessi spor og elsku stelpur mínar og sér í lagi Sigga, Æ emm só sorry...ég gerði mitt besta. Love you guys.
Kveðja Turner.

Lífið og prófin

2006-05-03T11:04:00.000Z

Já, ég er hér og ég er lifandi.
Búin í einu prófi, tölfræði, sem gekk bara virkilega ágætlega vel. :O)
Núna er ég í skólanum að lesa fyrir siðfræðipróf sem ég fer í á föstudaginn. Um helgina er stefnt á að læsa sig inni til að ná tökum á eðlisfræðinni og rústa henni svo í prófi á mánudaginn kemur. Því næst læsi ég mig aftur inni í nokkra daga og læri diffrun og fleira skemmilegt sem verður svo síðasta prófið í, þann 12. maí. Þá er ég bara vonandi komin í sumarfrí en annars eru upptökupróf í júní. Nú er sumsé að duga eða drepast og ég segi bara betur má ef duga skal. :)
Ætla að læra áfram. Kv. Stína.

Próftíðin hafin!

2006-04-30T08:09:00.000Z

Jess, það eru víst að komapróf og próflesturinn mættur á svæðið í öllum sínum skrúða. Það er ótrúlega gaman að læra með rétta fólkinu og óhætt að segja að það gefi lífinu lit að vera bæði að mennta sig og vera í góðra vina hópi.
Fjölskyldan hefur þurft að líða mikinn skort af þessum sökum og hefur þurft að vera heima án móðurinnar á heimilinu, sem hefur gengið bara mjög vel. En eftir að hafa svikið nokkur loforð og ekki séð framan í börnin mín vakandi ákvað ég að fara núna í sund með litlu strákana mína og klukkan er rétt orðin ÁTTA!!! :O)
Jamm, maður verður að nýta tímann og þetta er frekar sniðugt þar sem allir verða svo úber sáttir á eftir, ég losna við samviskuna, börnin pirringin og maðurinn getur sofið til 9 einn sunnudag!
:O)
Best að drífa sig, bið kærlega að heilsa og hlakka til að sjá ykkur þegar prófum lýkur og lífið hefst að nýju.
Kv. Stína og co.

Lifandi en samt nálgast próf !

2006-04-24T14:48:00.000Z

Jamm, nú fara þau að skella á í sinni verstu og grimmustu mynd: PRÓFIN!
Ég fer í 4 próf í þetta sinn, 2.maí, 5.maí, 8.maí og það síðasta þann 12. maí. Ég er orðin ansi kvíðin en í raun er ég farin að hlakka mikið til að klára þau. Vildi bara láta vita að ég væri lifandi og sæmilega hress.
Kær kveðja, Turner.

Alive and well

2006-04-03T09:28:00.000Z

Já krakkar, ég lifði af að hafa sýningu með hópnum mínum fyrir fullum sal af fólki. Ekki bara tókst hún vel og það leið ekki yfir mig, heldur þorði mín að spranga um á gegnsæjum sokkabuxum þannig að sást í brókina og alles!
Sýningin hét Hvað er nekt? og var haldin í tengslum við listaáfanga í skólanum en þau Rósa Júl, Robert Faulkner og Anna Richards eru að kenna okkur.
Þau voru bara mjög ánægð með sýninguna, enda voru öll 3 atriðin rosalega flott og ólík.
:O)
Stutt eftir af skólanum og svei mér ef sér ekki bara fyrir endann á þessum ósköpum. Ég er meira að segja að fara á fund i dag í tengslum við vettvangsnám.
Kveðja, Stína.

Áfram með prófin...

2006-03-27T09:13:00.000Z

Your favorite thing to say in the bedroom is:
No condoms? That’s O.K. - I brought plastic wrap.

Endilega prófið þið....http://www.quizuniverse.com/quiz.php?id=37&PHPSESSID=bbead6dd10391ff227aa2b084e4d1fb0

Ertu daðrari dauðans?

2006-03-26T17:58:00.000Z

http://www.quizopolis.com/flirting_quiz.php

Ég var:

Congratulations, according to our experts, you are : 64% Flirty!

Langt á milli pósta...I know... :O)

2006-03-24T14:48:00.000Z

Hæ hæ, það er bara svo ógurlega lítill tími að því er virðist vera til að blogga...samt finnur maður tíma í ýmislegt annað. Kannski er bara engin afsökun nema leti?
Það er búið að vera frekar mikið að gera í skólanum, bæði í tímasókn, æfingum fyrir fjöllistasýningu og tímasókn. Verkefnin hafa verið misskemmtileg, en gengið mjg vel, enda sulturnar allar svo frábærar.
Við erum búnar að fá fínar einkunnir fyrir þau verkefni sem við höfum fengið til baka og vonandi heldur það bara áfram. Í kvöld er ég að fara á fund hjá nemendafélagi kennaradeildarinnar þar sem drykkur og pinnamatur verður í boði og ég er farin að hlakka til. Næsta föstudag er ég svo að fara í bekkjarpartýIÐ og hlakka enn meira til þess.
Strákarnir hafa það gott, Siggi er alltaf að skrifa bækur og stefnir á rithöfundinn held ég bara, þó hann ætli að verða læknir launanna vegna. Gústi missti fyrstu barnatönnina um daginn og er það neðri framtönn. Sú sem stendur við hliðina er svo líka að fara þannig að það verður frekar fyndið að sjá gæjann með enn stærra skarð. Lífið svífur hjá og áður en maður veit verður komið sumar og það verður gott. Skvísan er komin með heimasíðu sem hún sjálf bjó til, endilega kíkið á hana... http://nemar.unak.is/not/ha040108/vefur/upphaf.htm
Svo eru nýjar myndir komnar inn á barnanetsíður strákanna.
http://barnanet.is/siggimar
http://barnanet.is/gusti
Ég þarf að fara að verða dugleg og læra meira, en vildi bara pósta smá. Mig langar líka að segja það að hún elsku amma mín heitin og nafna hefði átt afmæli í dag en hún lést síðasta sumar eins og flestir vita. Mig langar að óska henni til hamingju og langar að láta mynd af henni sem var tekin í brúðkaupinu mínu með. Elsku amma, ég sakna þín.

Tungusagan mikla

2006-02-23T15:40:00.000Z

Já...
Ég sit hérna og finnst ég verða að skrifa eitthvað.
Ég er búin að læra mikið á síðustu vikum þar sem Ágúst Már er búinn að vera að brillera í alveg hreint ótrúlegum hlutum, það er slysum.
Ósköpin byrjuðu kvöld eitt í baði þegar honum datt í hug að fá MIKLA sápu í augun og ég ætlaði aldrei að geta skolað hana úr þeim, en nei það var ekki einu sinni byrjunin á ósköpunum.
Daginn eftir fót hann út að leika með Sigga og Sveini vini hans, sem væri svosem ekki í frásögur færandi nema vegna þess að hann kemur hérna inn öskrandi, spýtandi vlóði og hvorki hann né ég vissum okkar rjúkandi ráð. Það kom svo í ljós að hann hafi verið í einni krónu, falið sig bakvið ljósastaur (sem er sérlega góður felustaður að hans mati :O) ), sleikt útum og....voila, tunga og vör FRUSU föst við staurinn. Minn litli gutti vissi auðvitað ekkert hvað hann átti að gera svo hann reif/sleit sig bara lausann.!
Nokkrum dögum seinna (3-4) kom hann svo inn aftur eftir að hafa spurt eftir Sponna og aftur heyrðum við öskur, en í þetta sinn meiri og sárari. Blóðið að sama skapi mikið og spýttist út um allt og allt kom það úr munninum á honum.! Sem betur fer var Brói heima, en við héldum fyrst að hann hefði endurtekið leikinn með ljósastaurinn, þar til annað kom í ljós.
Hann hafði dottið í stiganum ,lent á hökunni og höggvið hálfa tunguna í sundur með tönnunum. Ekki nóg með það heldur fóru tennurnar í gegnum vörina líka.
Það var brunað upp á hospital og drengurinn skoðaður, enginn hafði séð svona nokkuð áður og læknarnir klóruðu sér bara í hausnum og sögðust þurfa á sérfræðiáliti að halda! (Hvað eru þeir þá?) Þá kom hress skurðlæknir sem spurði Gústa hvort hann hefði bitið í tunguna á sér. Gústi neitaði og lék með miklu látbragði þegar hann datt og lenti á hökunni sinni. Þá spurði læknirinn hvort hann hefði verið svangur. :O) Sá læknir ákvað síðan að það þyrfti að svæfa drenginn og sauma tunguna. Svo fór hann yfir spurningalista þar sem hann spurði Gústa hvort hann reykti og fleira. Svo var brunað með hann upp á deild og þar tóku svæfingalæknar við litla stráknum mínum og ég mátti EKKI vera með honum þegar hann var svæfður.
Allt gekk vel (lítur út fyrir) og við eyddum nótt á barnadeildinni. Gústa leiddist það ekki en ég svaf lítið. Gústi er ekki vanur að þegja og reyndi að tala strax og hann vaknaði, greyið litla.
Gleymdi að segja frá því að ég ákvað að skreppa og pissa á meðan var verið að sauma guttann og það sem mætti mér í speglinum minnti mig bara á þegar ég var að gera að fiskinum á Hjalteyri í gamla daga. Ég var öll í blóðslettum, sem enginn hafði haft fyrir því að segja mér frá!
En já, í dag er tungan mun betri, en það er enn stórt stykki se einhvern veginn virðist standa upp úr henni, kannski grær það, kannski er það bólga,ég bara veit það ekki. Okkur var ekkert sagt að mæta í neina efftirskoðun eða neitt og var sagt að saumarnir færu sjálfir og fleira. Okkur finnst það frekar skrítið, en við sjáum aðeins lengur til með hvað við gerum, kannski kíkkum við bara á Friðrik lækni og biðjum um álit.
Það eina sem ég veit er það að ég lærði mikið á þessu og vonandi Gústi líka.

Sætasta myndbandið!

2006-02-14T16:47:00.000Z

http://www.metacafe.com/watch/72008/babies_babies/

Ég var víst klukkuð!

2006-01-31T21:39:00.000Z

Jæja, það er eins og maður hafi ekkert annað að gera en að skrifa á bloggið sitt. :O)
Hér kemur klukkið mitt SIGGA GUNNA! :O)

Fjögur störf sem ég hef unnið yfir ævina:

Fiskverkunarkona á Hjalteyri city
Afgreiðslukona á Subbuvei (mjög skammur tími)
Starfskraftur á Þvottahúsinu Höfða
Ræstingarkona fyrir ISS Ísland- Verð líka að nefna HÚSMÓÐIR!

Fjórar bíómyndir sem ég gæti horft á aftur og aftur:

Titanic
Story of us
Cry baby
Braveheart

Fjórir staðir sem ég hef búið á:

Akureyri
Hjalteyri
Rif
Hellissandur?

Fjórir sjónvarpsþættir sem mér líkar:

Idol
Sex and the city
Queer eye
Desperate housewifes

Fjórir (eða fleiri) staðir sem ég hef heimsótt í fríum:

Mallorca
Danmörk
Ásbyrgi
Reykjavík

Fjórar síður sem ég skoða daglega (fyrir utan bloggsíðurnar):

webct.hi.is
unak.is
mbl.is
barnaland.is

Fernt matarkyns sem ég held uppá:

Brynju ís með heitri súkkulaðisósu
Svínalundir með sveppasósu
popp og kók
Djúpur

4 bækur sem ég les oft..... í:

AÐALNÁMSKRÁ GRUNNSKÓLA-allir hlutar!
Bætt skilyrði til náms. Starfsþróun í heildtæku skólastarfi
Teaching students with special needs
Að mörgu er að hyggja

Fjórir staðir sem ég myndi heldur vilja vera á núna:

Í heimsókn hjá Kalla og Gunnhildi að borða grillaða borgara-(hann var að ná sveinsprófinu)
Fjaran á Hjalteyri og Kveldúlfsbryggja
Mallorca með sítrónukók í hönd
Í fjallakofa með famelíunni...langt frá öllu öðru...mmmmm

Fjórir bloggarar sem ég klukka núna:
Já, Heiða, Eyrún, Alda og Guðbjörg (þið getið svarað á sultunni!) ;O)

Kveðja, Turner.

Eurovision

2006-01-31T21:26:00.000Z

http://media.putfile.com/Silvia-nott---til-hamingju-island
Þetta er bara snilld! Fann þetta áðan á netinu.

Bústaður og afslöppun

2006-01-19T14:52:00.000Z

Jæja þá styttist í bústaðarferðiNA okkar sultanna. Það verður farið annað kvöld og komið á sunnudag. Bóndinn skilinn eftir á bóndadegi og allt! Börnin rænd playstation tölvunni og mamma með singstar með sér.
Svo segist ég vera að fara að læra!
Kannski læra að slappa af fyrir það sem koma skal.
Planið, dagskráin, veigar og matur allt í plani og nefndarálitum og allt lítur út fyrir notalegar stundir í pottinum og sófanum.
Ég hlakka svo til!! Það er þó ekki laust við að ég sé haldin örlitlum aðskilnaðarkvíða, en ef ég hef lært eitthvað af svona momentum þá er það það að ég er að skilja strumpana eftir hjá besta manni og pabba í heimi. Enda eru þeir algjörir snillingar saman, strákarnir þægir og pabbinn fær notalega stund með strákunum sínum. Og ég með stelpunum mínum. Þá hlakkar ekki minna til en mig. :)
Annað í fréttum er það að ég er snillingur. Fékk 6 í stærðfræðinni og 7 í eðlisfræði og aðrar einkunnir voru á bilinu 8 til 8,5.
Allt gengur vel og lífið er gott.
Kveðja Stæner Turner, sem er minni Turner en áður! ;O)

Skólinn byrjaður aftur!

2006-01-09T15:15:00.000Z

Jamm, loksins kom að því að hann byrjaði aftur og lífið færi í sinn vanagang eða þannig..
Ég er reyndar tiltölulega nýskriðin úr prófatörninni, þurfti að taka eitt upp og það ekki í fyrsta skipti! Eðlis- og efnafræði á bara ekki við mig!! Eða hvað? Bíð eftir einkunn hérna á milli heims og helju. Ef ég fell seinkar útkskriftinni um heilt ár! Oj bara, hvað gerir Stænerinn þá? En jæja, ég ætla að mæta þvi þegar kemur að því... Ég náði stærðfræðinni og það bara í helv...erfiðu prófi¨! Mín fékk 62 punkta á sjálfu prófinu og það skilaði mér sexu í einkunn!! Ég er baaara hrikalega stolt af sjálfri mér og búin að komast að því að ég er ekki algjör moðhaus, eins og sumir töldu manni trú um í grunnskóla...kennarar...
Ég er búin að snúa við blaðinu, eftir of mörg feit ár þá hef ég ákveðið að leyfa ekki offitudraugnum að ná henni Stínu sinni og hef ákveðið að berjast!
Jamm, stefni á amk 20 kíló farin fyrir sumarið! Hvorki meira né minna. Heilbrigt líferni hefur tekið hér við og skal þeirri stefnu haldið...nema ég vilji drepast úr fitu fyrir aldur fram!
Jæja krakkar, ætla að fara að skoða fyrsta verkefnið, sem við fengum í hendurnar í dag! Fyrsta daginn, enda best að láta hendur standa fram úr ermum þessa önnina. :O)
Gaman að skoða kommentin ykkar og svara þessum spurningum, hlakka til að svara fleirum!
Bið ykkur að lifa heil og munið að lifa lífinu.

2006-01-04T14:41:00.000Z

Settu nafnið þitt í kommentakerfið og..

1. Ég segi þér eitthvað handahófskennt um þig.

2. Ég segi þér hvaða lag/mynd minnir mig á þig.

3. Ég segi þér hvaða bragð minnir mig á þig.

4. Ég segi þér fyrstu ljósu minninguna mína af þér.

5. Ég segi þér á hvaða dýr þú minnir mig á.

6. Ég spyr þig að einhverju sem ég hef velt lengi fyrir mér um þig.

7. Ef þú lest þetta verðuru að setja þetta á bloggið þitt!

Og hana nú! Próftíðin mín loksins búin og kominn tími á smá bloggerí.
Endilega kommenta svo, ég bíð spennt.
Turner.

Æm alæv!

2005-11-28T23:34:00.000Z

Já krakkar!
Fyrir ykkur sem efist þá er ég á lífi. Síðustu vikur hafa verið hreint helvíti, botnlaus verkefnavinna. Ég hefði ekki haldið sönsum og lífi ef ég ætti ekki góða að. Brói minn og strákarnir hafa verið yndislegir og veitt mér mikinn stuðning. Brói er orðinn myndarlegasta húsmóðir, með nestismál og heimalærdóm á hreinu, auk þess sem hann hefur verið að annast veikt barn :O)
Góður félagsskapur í svona verkefnavinnu er ómetanlegur og hann hef ég haft. Klúbburinn er algjört yndi og hefur haldist temmilega geðheil í gegnum þetta allt saman.
Ég hef þó sennilega lært mjög mikið síðustu vikur, en hef ekki haft mikinn tíma til að einbeita mér að mikilvægari hlutum....eðlisfræðinni og stærðfræðinni. Nú er að duga eða drepast. Ég er að hugsa um að gera það fyrir ömmu mína og afa minn á himnum að ná. Mikið yrðu þau stolt af stelpunni sinni þá. Afi setti menntun alltaf í hæsta sæti og hvatti mig alltaf áfram í að leita mér menntunar. Ömmu arfleifð er hve vel ég hugsa um börnin mín.
Ég held samt að hún hafi verið ákaflega stolt af þeirri staðreynd að ég væri í kennaranámi.
Eins og sést er ég farin að sakna ömmu og afa, enda þessi jól þau fyrstu án þess að ég skrifi kort til hennar og hringi ;O(
Lífið heldur þí áfram og þetta fólk verður mér hvatning eins og það fólk sem lifir.
Síðustu mánuðir hafa kennt mér það að það þýðir ekki að gefast upp heldur þarf að takast á við hlutina af öllum kröftum og skila þeim eins vel frá sér og hægt er.
Ég er farin að hlakka til jólanna og er í jólaskapi sem aldrei fyrr. :O)
Síðasta verkefnið fer í skil í vikunni og svo er bara próflestur og lagst í fræðin. Svo er komið langþráð frí! Mikið verð ég fegin því.
Þið krútt sem þetta lesið, þið eruð best. Takk fyrir að vera til !!

Já, bara hress!!

2005-10-11T08:32:00.000Z

Já, eftir að hafa ferðast um síður annarra klúbbmeðlima og hneykslast á því hvað þeir bloggi lítið, ákvað ég nú bara að taka á sjálfri mér! Þannig að hér eru smá fréttir.
Það er ekki spurning um það að ég er lifandi, hef sennilega aldrei lifað uppteknara lífi samt heldur en síðustu daga. Það er alveg sæmileg pressa á okkur 2.árs nemunum og við höfum nóg að gera. Það er nóg af verkefnum og ýmist eru dregnir félagar eða þá að maður velji sér sína gömlu góðu. Það er ekki auðvelt að muna hver er með manni í hvaða verkefni, nema kannski einstaklingsverkefnunum, en eitt er víst að það er klikkað að gera.
Strákarnir hafa það næs, Gústi er í skóla hjá afa sínum og er farinn að stauta sig áfram, las meira að segja titilinn á bók pabba síns í gær, ég ætla ekki að hafa hann hér eftir :)
Hann Gústi er farinn að fullorðnast og er orðinn alveg rosa góður strákur.
Siggi minn er alltaf jafn duglegur og góður, elskar að mæta í skólann en ef það er einhver ótti sem hann lifir í þá er það óttinn við að mæta of seint eða verða veikur! Já, ég er eiginlega alveg sammála honum Sigga mínum, skólinn er bara málið.
Núna er ég að reyna að vinna í verkefni tengdu aldursblöndun eða samkennslu, en gengur ekki alveg nógu vel. Maður er bara rétt að slíta síðasta verkefni, sem nota bene var um ALLT annað, þá er maður byrjaður á því næsta. :O)
Brói minn er að vinna á næturvöktum og ég get svo svarið það að ég bara get ekki án hans verið. Mig dreymir bara ömurlega hluti og er alltaf á milli svefns og vöku og vakna þreytt! Sýnir bara hvað ég er vonlaus án hans, enda er hann krúttið mitt.
Ég er að pæla í að vinna af mér pínu og kaupa jólagjafir og kannski græja jólakort í vikunni. Það yrði alveg geggjað að geta það, en eins og er er það bara pæling.
Svo er bara að mæta í afmæli í dag til hennar Eyrúnar okkar!! Veiveiveivei.
Til hamingju með afmælið skvís.
Bið að heilsa öllum, Stæner Turner.

Klukkbylgjan

2005-09-25T18:04:00.000Z

Jahérna, ég var klukkuð áðan.
Verst að ég þekki svo fáa bloggara sem ekki hafa verið klukkaðir.
En sumsé þarf ég að klukka fimm manns í bloggheiminum og þegar ég er búin að því eiga þeir (sem og ég) að skrifa fimm tilgangslaus komment um sjálfa sig.
Hér koma mín:

1. Ég missti næstum fótinn fimm ára vegna "beinátu", sem er e-s konar veirusýking
2. Mér finnst mjög óþægilegt að láta sjá mig ómálaða
3. Ég var búin að eignast mitt fyrsta barn ári eftir að ég hitti manninn minn
4. Ég sakna ömmu minnar ennþá og mun alltaf gera
5. Þegar ég var lítil og þurfti að losna við stríðni bræðra minna var ég með tvö ráð.....annað var að hrækja á höndina á Kalla, sem hljóp í vaskann og þvoði hana, enda sýklahræddasti maður ever...en sú seinni....var að ....girða niður um sig og glenna rassinn framan í þá við lítinn fögnuð, þar til þeir gáfust upp.....enda dánir úr viðbjóði

Jæja, ég veit ekki enn hverja ég ætti að klukka....kannski Eyrúnu á klúbbnum bara. :)
Stænerinn að læra.

Flottir krakkar

2005-08-12T09:58:00.000Z

Sætastir saman við Strokk

2005-08-12T09:56:00.000Z

Aðeins hressari

2005-08-12T09:16:00.000Z

Já, ég er aðeins að jafna mig eftir erfiða tíma. Ég er samt ekki viss um að ég jafni mig nokkru sinni alveg. Amma var bara þannig manneskja að erfitt er að vera án hennar og skarðið svo rosalega stórt sem hún skilur eftir. Ég fór á jarðarförina og kistulagningu í fyrsta sinn í lífinu og það var átakanlegt. En hún amma mín var svo falleg og ég kyssti hana á ennið og strauk kinnina á henni en mikið var það sárt. Jarðarförin var svo falleg og söngurinn, vá! Tenór sem söng faðirvorið, en það hef ég aldrei heyrt áður. Maður bara fékk gæsahúð og fór á eitthvað annað level bara.
En ég átta mig á því að lífið heldur áfram hjá okkur jarðneska fólkinu og lífið gefur okkur ekki mikið færi á eða tíma til að syrgja ástvini að fullu, sem þó er kannski gott að vissu leyti. Þá er maður ekki að velta sér upp úr þessu.
Þess vegna ákvað ég að nýta þessa reynslu til að verða ákveðnari og duglegri og LÆRA fyrir ömmu mína því ég veit að hún hefði viljað það. Ég ætla að hafa hana bakvið eyrað og hann afa líka og nýta mér þessa reynslu til að vera dugleg. Ég er búin að læra í gær og í dag og ætla að læra alla daga fram að prófum. Prófin skulu svo staðinn með glans því ég ætla ekki að klikka aftur!!!
Ég er farin að hlakka til að taka þessi próf og takast svo á við næstu önn af mikilli hörku og vinnu og ég ætla að læra og læra og læra og læra og læra og læra. :O)
Ætla að kaupa einhverjar bækur bráðlega, kannski af amazon.com.
Sakna ykkar stelpur og amma mín.
:)
Stæner Turner.

Til ömmu.

2005-08-08T08:47:00.000Z

Elsku hjartans amma mín, hvernig færir maður tilfinningar sínar í orð á svona stundu?
Ég trúi varla að manneskja eins og þú sért farin frá okkur.
Aldrei á lífsleiðinni mun nokkur kona jafnast á við þig.
Þú varst einstök mannvera, hjartahlý, góð, hugrökk, dugleg og falleg.
Ég man þegar þið systurnar stiguð dans í Friðrikshúsi og hlóguð og töluðuð um gamla tíma. Þú ljómaðir í gegnum ævina, hafðir einhverja glóð í augum og varst með svo góða nærveru.
Þú hefur átt einstaka ævi sem ekki hefur gengið áfallalaus fyrir sig. Þú hefur mætt öllum áföllum með einstakri hugprýði og jafnaðargeði og alltaf komist yfir allt. Í þetta eina sinn gastu ekki barist lengur og fékkst að lokum langþráða hvíld.
Mikið held ég að það verði miklir fagnaðarfundir á himnum þegar þið afi hittist á ný.
Þá geta Stebbi og Pétur frændi strítt þér og sagt þér brandara. Siggi getur sagt þér sögur og borðað með þér rækjusalat og þið Olla getið stigið dansinn á ný.
Vonandi hefurðu það gott núna amma mín.
Þú varst alltaf svo falleg, vel til höfð og ég man alltaf hvað ég leit upp til þín og var stolt af því að þú værir hún amma mín. Brosið þitt, krullurnar og hláturinn hljómar í huga mínum á meðan ég hugsa um allar sögurnar sem þú sagðir mér, um það hvað gerist ef börn borða ekki matinn sinn, frá því þegar þú varst lítil og fékkst epli í jólagjöf, sagan um litlu huldustelpuna í móanum, sögur af þér og afa í útlöndum, þegar hann brann á ilinni.
Flestum sögum fylgdi þó einhverskonar siðaboðskapur um þakklæti, virðingu, hjálpsemi eða einhverja aðra dyggð sem komst svo vel til skila úr þínum munni.
Þú varst alla tíð svo stolt af börnunum þínum og fjölskyldum þeirra og lagðir þig fram um að fylgjast með hverjum einasta. Hringdir á öllum afmælum, varst alltaf með okkur á bakvið eyrað og lagðir þig fram við að hafa samband, halda okkur saman og láta okkur virða fjölskyldutengslin.
Þú ólst upp yndisleg börn sem alla sína tíð munu búa að því forskoti sem þú, með allri þinni ástúð og umhyggju, ólst þau upp með og undirbjóst þannig fyrir lífið.
Ást ykkar afa á hvort öðru var ólýsanleg, svo mikil á stundum að ég man sem lítil stelpa eftir því að hugsa að svona ást vildi ég sjálf upplifa. Þið voruð bæði tvö öllum fyrirmynd. Það er sárt fyrir okkur sem eftir sitjum að halda áfram án þín og einhvern vegin er ekkert sem undirbýr okkur hér á jörðinni undir svona mikinn missi.
Þó við höfum verið búnar að kveðja hvor aðra þá vildi ég óska þess að ég hefði fengið eitt faðmlag enn, eitt bros, einn koss, en svo verður ekki um sinn.
Það kemur enginn í þinn stað og það mun aldrei neinn jafnast á við þig elsku amma mín, mundu það.
Ég mun alltaf elska þig og minnast þín.
Þín ömmustelpa, Kristín.

Nú farin ertu úr þessum heimi,
farin til frelsarans er náðaði þig.
Þú sofnaðir hljótt í hinn djúpa svefn,
en hjarta mitt syrgir þig amma mín.

Ég gleymi þér aldrei svo góð við mig,
ég sakna þín mjög og elska þig enn.
Tíminn líður og græðir öll sár,
og minning um þig er geymd hjá mér.

Nú ertu komin í himnaborg,
með afa minn þér við hlið.
Þó mikil sé mín hjarta sorg,
þá fannstu þinn eilífan frið.

Þú vakir yfir svo mikið er víst,
og verður alltaf amma mín best.

Brjálað að gera!!

2005-07-09T10:58:00.000Z

Já gott fólk það er brjálað að gera!
Sumarið líður hjá með skítaveðri og meððí!!
Eðlisfræði, stærðfræði og grenddarkennsluplöntusöfnun á mikinn part af hug mínum en í gær varð mamman fimmtug! Ég kíkkaði með henni til sjóntækjafræðings og valdi með henni gleraugu og þetta var bara merkilega gaman allt saman auk þess sem hún mamma mín, sem er nú alltaf falleg, varð enn fallegri með nýju gleraugun á litla nefinu sínu. Nám sjóntækjafræðinga er 4 og hálft ár og ég verð bara að lýsa ánægju minni með það að þeir haif nú leyfi til að gera sjónmælingar á fólki. Konan sem var að mæla var alveg frábær og reyndar þær báðar sem eru að vinna þarna og gáfu múttu minni afslátt og svona. Síðan var grill og bjór um kvöldið, fyrst með mömmu og pabba og svo með Systu og Adolf.
Strákarnir eru að fara í afmli á eftir og ég er að hugsa um að fara út og gera eitthvað skemmtilegt!
Annars styttist í ágústprófin en næsta vika fer öll í að undirbúa afmælisveisluna hennar muttu sem á að vera næsta laugardag og við Brói ætlum að kokka gourmet mat handa fólkinu og skemmta okkur svo á eftir! Tilhlökkunin er ólýsanleg!
Svo er reunion 27.ágúst og ég hlakka mjöööög mikið vægast sagt til að hitta það fólk aftur. Enda þekkir maður þau alveg rosalega vel! Já kostir fámennra skóla eru ótalmargir og verða seint fullmetnir! :)
Love you guys, over and out, Stænerinn!

Lífið heldur áfram segja menn

2005-06-14T09:55:00.000Z

Já, ég er búin að komast að því að amma er ekki úr stáli og er dauðleg eins og annað fólk þó ég álíti hana guðlega veru og allt það. Hún er búin að vera mjög lasin og það er svo erfitt að einbeita sér að nokkrum hlut þegar ástandið er svona...þessi bið. Maður hrekkur upp við hverja símhringingu og fær kvíðakast....en ég hef líka komist að mörgu í sambandi við sjálfa mig. Ég er dugleg, já bara dugleg, klapp á bakið bara. Ég er með 3 grislinga núna, einn aukapakka frá Rvk. Marinó er snillingur og þessir guttar og Brói minn eru það sem heldur mér saman eins og er...... fá mig til að dreifa huganum sem betur fer. Veðrið hefur verið yndislegt en alltaf er amma í huganum enda alveg í sérstöku uppáhaldi hjá henni nöfnu sinni....
En nóg um það gott fólk, ég er á lífi og ætla að nýta það og munið svo að vera góð hvert við annað því við vitum aldrei hvað gerist...og munið líka að krabbamein er viðbjóður!!
Stæner.....frekar down.

Amma úr stáli?

2005-06-07T08:56:00.000Z

Já, fékk fréttir af ömmu í gærkvöldi, betri fréttir.
Hún var búin að tala við lækni og hann vill reyna uppskurð, telur að mögulegt sé að leiðsla sé stífluð vegna æxlisins þannig að kannski er von!
Amman var hressari í gær og ég bíð hér og vona í góðri trú.
Elsku amma, þú ert ótrúleg.
:O)

Já

2005-06-05T21:50:00.000Z

Var að skríða í hús frá Rvk.
Held að þetta hafi verið með því erfiðasta sem ég hef þurft að gera....kveðja yndislegu ömmu mína sem mér þykir svo óendanlega vænt um og lít upp til....
Svo sárt og skrítið...að vita að þetta fari að verða búið og geta ekkert gert!
Er stolt af því að heita eftir henni...finnst ég varla verðskulda það...hún er einstök og verður alltaf í mínum huga fyrirmynd!
Elsku amma...ég hugsa til þín og elska þig...
Þín Stína.
:O!

Duglegir strákar!

2005-05-30T08:45:00.000Z

Já þeir eru krútt.
Vildi bara monta mig af því hvað þeir taka þessu með stóískri ró, það er að segja veikindunum. Gústi reyndar ældi allt rúmið út í nótt en almennt eru þeir mjög passasamir og æla í dallinn eða klóið. Í nótt var reyndar skemmtileg blanda hjá Gústa mínum þar sem hann sat á klóinu og ældi í dallinn á meðan. Já, það bara streymir endalaust fram úr öllum áttum. :O)